Yahaya Sinwar

Yahaya Sinwar

Jagorancin Hamas da kuma yaƙi da Isra'ila
Cikakken Suna	Yahaya Ibrahim Hassan As-sinwar
Laƙabi	Abu Ibrahim
Tarihin Haihuwa	29 Oktoba 1962 miladiyya
Wurin Haihuwa	Khan Yunus Falasɗinu
Tarihin Shahada	16 Oktoba 2024 miladiyya
Wurin Shahada	Rafa, kudancin Zirin Gaza
Ƴaƴa	Ibrahim da...
Addini	Muslunci
Mazhaba	Ahlus-Sunna
Muƙamai	Shugaban Hamas a Zirin Gaza/shugaban ofishin siyasa na Hamas, yana cikin mutanen da suka tsara Tufanul Al-Aksa
Bayan	Isma'il Haniyye

Yahaya Sinwar, (Larabci: يحيى السنوار) rayuwa tsakanin 1962-2024 miladiyya, wanda ya kasance ɗaya daga cikin jagororin ƙungiyar gwagwarya ta Harkatu Hamas, wanda Isra'ila ta kashe shi a ranar 6 Oktoba 2024 miladiyya, an zaɓi Yahaya Sinwar matsayin shugaban sashen siyasa na Hamas bayan shahadar Isma'ila Haniyye ya kasance kan wannan muƙami har zuwa lokacin shahadarsa. Yahaya Sinwar ya kasance cikin mutanen da suka tsara ofireshin ɗin Tufanul Al-Aksa (Wani ofireshin na musamman a cikin mamayayyar Falasɗinu). Tun daga watan Fabrairu 2017 Sinwar ya kasance yana jogarantar Zirin Gaza.] Sinwar ya kamanta yaƙin da Falasɗinawa suke yi da Isra'ila da yaƙin da sojojin Yazid suka yi da Imam Husaini (A.S) a shekara 61 hijira ƙamari, ya kuma ce: Wajibi ne mu ci gaba kan hanyoyin da muka fara, ko kuma dai mu bari a maimaita wata Karbala daban.

Sinwar a ranar 16 Oktoba 2024 miladiyya, cikin wani rikici da ya kasance tare da sojojin Isra'ila a garin Rafa kudancin Zirin Gaza ne ya yi shahada. Sojojin Isra'ila sun ɗauki gawarsa sun tafi da ita mamayayyar Falasɗinu, labarin shahdarsa ya yi matuƙar yaɗuwa a kafafen watsa labarai. Har ila yau, hallarar Yahaya Sinwar cikin yaƙoƙi daban-daban da kuma shahadarsa, lamari ne da ya ja hankalin tashoshin dandalin sada zumunta na yanar giza gizo. Hotan gwagwarmayarsa a lokaci na ƙarshe a rayuwarsa a gaban Isra'ila, ya kasance hoto mafi tasiri a shekarar 2024 miladiyya, kan asasin ƙuri'un jin ra'ayi da tahsar rasad ta gudanar a ƙasar Misra.

Ayatullahi Khamna'i, jagoran jamhuriyar Muslunci ta Iran cikin wani saƙo na ta'aziyya ya bayyana Yahaya Sinwar matsayin mujahidi jarumi da kuma fuska mai haske ga gwagwarmaya, wanda ya yi naushi mai nauyi da ba zai taɓa gyaruwa ba a ranar bakwai ga Oktoba (Ofireshin ɗin Tufanul Al-Aksa) wanda ya kasance rubutaccen tarihi da ba za a taɓa mantawa da shi ba a wannan yanki. Haka nan rashin wannan jarumi cikin gwagwarmaya lamari ne mai matuƙar raɗaɗi, sai dai kuma ya jaddada cewa shahadarsa da shahadar sauran kwamandojin gwagwarmayar Muslunci ba zai taɓa kawo cikas cikin ci gaban wannan yunƙuri ba.. Ƙungiyoyin gwagwarmaya misalin Hizbullahi Lubnan, Harkatu Jihadul Islami Falasɗin, Harkatu Nujaba Iraƙ, Harkatu Ansarullahi Yaman, Hizbullahi Iraƙ, cikin saƙo da ko wanensu ya fitar, sun yi ta'aziyya game da shahadar Yahaya Sinwar. Bisa roƙon da Harkatu Hamas ta yi daga musulmin duk faɗin duniya game da yi wa Sinwar salatul ga'ib,A ƙasase daban-daban na duniya Musulmi sun taru sun yi masa salatul ga'ib. Cikin ƙuri'un jin ra'ayi da tashar Rasad Misra ta gudanar daga masu sauraronta daga Larabawa a ranar 30 Disamba 2024 miladiyya, an zaɓi Yahaya Sinwar a matsayin mutum mafi tasiri a duniyar Larabawa. Har ila yau, a shekarar 2025 miladiyya ya kasance cikin jerin mutane hamsin masu matuƙar tasiri a duniyar Muslunci.

An haifi Yahaya Sinwar a ranar 29 Oktoba 1962 a sansanin ƴan gudun hijira a yankin Khan Yunus da yake a kudancin Zirin Gaza. Babansa da babarsa sun fito daga garin Ishkilon, a shekarar 1948 miladiyya sakamakon yaƙin Isra'ila da kasashen Larabawa aka tilasta musu yin gudun hijira. Yahaya Sinwar ya samu shaidar digiri na ɗaya daga Jami'ar Muslunci ta Gaza. Sakamakon tuhumarsa da kashe sojojin Isra'ila guda biyu a shekarar 1988 miladiyya ne haramtacciyar ƙasar Isra'ila ta ɗaure shi a kurkuku ɗauri na dindin har ƙarshen rayuwa. Sai dai kuma bayan shekaru 23, a shekarar 2011m cikin wata musayar fursunoni da ta gudana tsakanin Isra'ila da Hamas ne ya shaƙi iskar ƴanci. A lokacin da Sinwar yake kurkukun Isra'ila ya koyi yaren Abraniyanci. Bayan sakinsa ya yi jawabi da harshen Abraniyanci zuwa ga Sahayoniyawa. Haka nan ya tarjama wasu rubuce-rubuce daga harshen Abraniyanci zuwa harshen Larabci.