Kisan Kiyashi da ya Faru a Asibitin Alma'amadani

Kisan Kiyashi Da Aka Yi A Asibitin Ma'amadani

Bayanin Abin da ya faru	Harin da Isra'ila ta kai wa 'yan gudun hijira da raunana Falasɗinawa a asibiti
Ɓangarori biyu	Isra'ila da fararen hula na Falasɗinu
Lokaci	17 ga watan Oktoba 2023
Wuri	Gaza
Mutanen da suka kai harin	Sojojin Isra'ila
Asara	Fiye da fararen hula 500
Martani	Allah wadai da harin da kuma zanga-zanga a kasashe daban-daban
Mai alaƙa	Tufanul Al-Aksa

Kisan kiyashi da aka yi a Asibitin Ma'amadani, (Larabci: مجزرة مستشفى المعمداني) Hari ne da Isra'ila ta kai kan Falasɗinawa a Asibiti A zirin Gaza a 17 ga watan Oktoba shekara ta 2023 wannan hari ya yi sanadiyar mutuwar fararen hula fiye da mutane 500. A cewar mai magana da yawun Ma'aikatar Lafiya ta Falasɗinu a Gaza, mafi yawan waɗanda suka mutu mata ne da yara.

Kamfanin dillancin labarai na Reuters ya bayyana harin da aka kai wa asibitin Ma'madani a matsayin mafi muni a cikin martanin Isra'ila bayan aikin "Tufan al-Aqsa". Sakatare-janar na Majalisar Dinkin Duniya da kasashe da dama a duniya sun yi Allah wadai da wannan kisan, kuma an gudanar da taruka da zanga-zanga a kasashe daban-daban. A Iran, Iraki, da Siriya an ayyana zaman makoki, kuma an rufe makarantun addini na Iran da Najaf.

A cewar rahotannin kafofin watsa labarai, Isra'ila ta yi amfani da bam din MK-84 na Amurka a wannan hari.

Kisan Fararen Hula

Haramtacciyar Kasar Isra'ila a ranar 17 ga watan Oktoba 2023 ta kai Harin cin Zali kan Masu Rauna wadanda suke cikin Ciwo da wadanda suke fake cikin Asibitin Ma'amadani ko kuma muce Mutanen Gaza da suka fake wannan Asibiti, wannan Hari na cin zali yayi sanadiyar mutuwar fiye da Fararen Hula 500 a wani Rahoton an bayyana adadin wanda suka mutu ya kai 800, ko 1000, a cewa Mai Magana da yawun Ma'aikatar lafiya ta Falastinu a Gaza akasarin wadanda wannan hari ya halaka Mata ne da Kananan yara Tashoshin Yada Labarai sun bayyana wannan Harin Zalunci a Matsayin hakikanin Kisan Kiyashi da kisan Kare Dangi.

Illoli Da Haduffa

Asalin Makala:Tufanul Al-Aksa

Harin da aka kai wa asibitin Gaza, a martanin aikin "Tufanul Al-Aksa", an yi shi ne ta hannun sojojin Hamas a yankunan Falasɗinu da aka mamaye. Hamas ta gudanar da wani aiki a ranar 7 ga Oktoba don 'yantar da Falasɗinu da kuma hana ci gaba da mamayar Isra'ila a yankunan da aka mamaye. Wannan aiki ya kasance na musamman kuma an yi la'akari da shi a matsayin babban rashin nasara ga Isra'ila. Kamfanin dillancin labarai na Reuters ya bayyana harin da aka kai wa asibitin Ma'madani a matsayin mafi muni a cikin martanin Isra'ila bayan hare-haren Hamas (Tufanul Al-Aksa). A cikin rahoton nazari na tashar Al-Alam, an bayyana cewa daga cikin manufofin wannan hari akwai haifar da tsoro da firgici don tilasta wa mazauna Gaza barin garin, kisan kare dangi da tsarkake kabilanci, da kuma ramuwar gayya kan rashin nasarar sojojin Isra'ila a aikin al-Aqsa.

Martani

Ganawa da ma'aikatan Asibit tare da `yan jarida a tsakiyar gawarwaki

Ganawar yan Jarida tare da Ma'aikatar lafiya ta Falastsinu cikin tsakiyar Gawawwakin Harin Ta'addancin Haramtacciyar Kasar Isra'ila kan Asibitin Ma'amadani Zirin Gaza. Antoniyo Goutresh Babban Sakataren Majalisar Dinkin Duniya ya bayyana kasha Fararen Hula sakamakon Harin Ta'addanci da Haramtacciyar Kasar Isra'ila ta kai matsayin Abu Mai Matukar tayar da hankali sannan yayi Allawadai da shi An yanke shawar cewa Kwamitin Tsaro na Majalisar Dinkin zai yi zaman Gaggawa don yin bincike kan wannan Harin ta'addanci kasar Rasha ta kira wannan Hari da Mummunan lefi na Rashin Tausayi da Yan Adamtaka

Zanga-Zanga Allah Wadai Kan Harin Ta'addanci A Sassa Daban-daban Na Duniya

Kan asasin Rahotan Kamfanin Dillancin labarai na Reuterz bisa martanin Mutane daga kasashe daban-daban na Duniya daga na Musulmai da wanda ba na Musulmai ba dukkaninsu sun fito Kan Tituna suna Zanga-Zangar kan Nuna rashin yarda da wannan ta'addanci a Kasar Jodan Fusatattun Masu Zanga-Zanga sun bankawa Ofishin Jakadancin Isra'ila Wuta da yawan kasashen Duniya daga Faransa, Saudi Arabiya, Qatar,Sipaniya, Turkiyya, , duka sun yi Tofin Alatsine da Allawadai da wannan Ta'addanci na Haramtacciyar Kasar Isra'ila

Masu Zanga-Zanga sun nemi Kasashen Musulmi da kotukan duniya da sauran kungiyoyi masu zaman kansu da su yi raddi da martani kan wannan Hari na Ta'addanci don nuna goyan bayansu ga Falastsinu.

Sanarwar Zaman makoki Da Rufe Makarantun Addini Na Shi'a

A sakamakon wannan kisan kiyashi, an ayyana zaman makoki a Iran na tsawon rana daya. amma a Irak, da Siriya da Jodan. an sanar da zaman makoki na kwanaki uku. A Iran, an sauya launin tutar ginin Haramin Imam Rida (A.S) zuwa baki a matsayin alamar makoki. Har ila yau makarantun addini a Iran da Hauzar Ilimi Ta Birnin Najaf sun sanar da makoki tare da dakatar da karatu. a birnin Kum dalibai da malamai sun shiga jerin gwano domin nuna rashin yadda da kuma Allah wadai da wannan harin ta'addanci. A ranar 26 ga watan Mehr, an rufe makarantu. A Qom, dalibai da malaman addini sun gudanar da zanga-zanga don yin Allah wadai da gwamnatin sahyoniyawa. Husaini Nuri Hamadani Daga cikin manyan malamai na Shi'a da ke zaune a Qom, a cikin wani sakon sa, ya yi Allah wadai da wannan hari kuma ya bukaci al'ummomin Musulmi da mutanen Iran su taimaka wa mutanen Gaza.

Korar Jakadun Isra'ila Kasar Kolombiya

Kasar Kolombiya cikin Martaninta kan wannan Hari na Ta'addanci ta yanke Alakar Diflomaisiyya da Haramtacciyar Kasar Isra'ila ta kuma Kori Jakadan Isra'ila daga kasarta Haka kuma Ministan Harkokin Waji na Iran cikin ganawarsa tare da Babban Sakataren Kungiyar Aiki da juna ta Muslunci ya bukaci Korar Jakadun Haramtacciyar Kasar Isra'ila daga kasashen Musulmi da kuma haramta sayen kayayyakinsu da dagatar da sayar Musu da Danyen Man Fetur Shugabannin jam'iyyun siyasa na "Saadet" da "Gelecek" a Turkiyya sun kuma bukaci Ankara ta katse dangantaka da Tel Aviv da kuma korar jakadan Isra'ila daga Turkiyya.

Soke Zama Tsakanin Shugaban Kasar Amerika tare da Shugabannin Kasashen larabawa

Kan asasin rahoton Tashar Tauraron `dan Adam ta Aljazira, bisa ittifain da akai za a yi zama tsakanin Shugaban Kasar Amerika Joe Biden da Shugaban Kasar Misra da Kuma Shugaban Kungiyoytin Sakai na Falastsinawa za a yi wannan zaman ne a Kasar Jodan

Gwamnatin Sahayiniya Ne Suka Harba Bomb Da Kashe Fararen Hula

A cikin wani rahoto daga Al Jazeera, an bayyana cewa a farko, jami'an Isra'ila sun dauki alhakin harin da aka kai wa wannan asibiti a fili; daga cikinsu akwai Hananya Naftali, mai magana da yawun kafofin watsa labarai na dijital na sojojin Isra'ila, wanda ya rubuta a cikin wani tweet: "Rundunar sojin sama ta Isra'ila ta kai hari kan wani sansanin Hamas da ke cikin wani asibiti a Gaza." Naftali ya goge wannan tweet; amma Al Jazeera ta wallafa hoton wannan tweet.

Kan asasin Rahotan Tashoshin Labarai da suka nakalto daga Jaridar Wall-Street Amerika, a wannan Hari Isra'ila ta yi amfani ne da Bomb MK-84 kirar Amerika, a gefe guda Amerika sun da'awar cewa tarwatsewar Asibitin Ma'amadani ta faru ne sakamakon fashewar wani Makami Mai Linzami bisa Kuskure na Kungiyar Gwagwarmayar

Sai dai kuma Ƙungiyar-Jihadul Islam ta yi watsi da wannan tuhuma ta Amerika mara tushe tare kuma da nesanta kanta daga wannan tuhuma, kuma sun tabbatar da cewa wannan ba aiki kowa bane sai Haramtacciyar Kasar Isra'ila wacce tun kafin harin ta yi kira da Mutanen kan Asibitin Ma'amadani da sauran Asibitocin Zirin Gaza da su fita daga cikin Asibitocin ko kuma da dakarkaresu da Bomb, haka kuma Rahotanninsu masu karo da juna kan wannan Hari suna kara tabbbatar da karyarsu a nakalin Tashar (NBC) sun bayyana cewa Palastsinawa basu da Karfaffan Makami irin wannan da zai darkake Asibiti Haka, dama can Haramtacciyar kasar Isra'ala Kasa ce da ta shahara da sharara karya da aikata miyagun Lefuka da kuma dora tuhuma kan wasu daban haka kuma na nakalto daga Tashar watsa labarai ta BBC bisa la'aka da karfin Makamin zai wahala mu ce ba Makamin isra'ila bane A cewar rahoton NBC, Falasɗinawa ba su da makamai masu irin wannan ƙarfin hallaka da fashewa, kuma Isra'ila tana da tarihin yin karya da jefa laifi kan wasu. A cewar rahoton Mashrek News, bayan fitar da wannan rahoto, Isra'ila ta ba da umarnin dakatar da ayyukan wannan tashar a yankunan da aka mamaye da kuma rufe ofisoshinta..

Rufe Ofisoshin Tashar Al Jazira A Yankunan Da Aka Mamaye

Tashar Al Jazeera ta Qatar ta nuna wani shirin bidiyo na lokacin da Isra'ila ta kai hari kan wannan asibiti, kuma ta musanta ikirarin Isra'ila na cewa harin ya fito ne daga Kungiyar Jihadul Islami. A cewar rahoton Mashrek News, bayan fitar da wannan rahoto, Isra'ila ta ba da umarnin dakatar da ayyukan wannan tashar a yankunan da aka mamaye da kuma rufe ofisoshinta.

A Duba Masu Alaƙa

• Kisan Kiyashin Ƙana