Jump to content

Husain Badr Al-Din Al-Husi

Daga wikishia
Husain Badr Al-Din Al-Husi
Shi ne ya kafa Harkatu Ansarullahi
Cikakken SunaHusaini Badrud-dini Al-husi
MazhabaShi'a Zaidiyya
NasabaSharifi Jikan Imam Hassan
Sanannun dangiBadrud-Dini Al-Husi (Mahaifi). Abdul-Malik Al-Husi (Ɗan uwa)
Ranar haihuwa1960 miladi
Wurin haihuwaYankin ruwaisa Jihar Sa'ada Yaman
ShahadaLokacin Bazara 2004 miladi
KabariSa'ada
Fagen aikiFito na fito da Amurka da Isra'ila
AyyukaYa jam'iyyatul kahiriyya marran (Ƙungiyar ba da taimako) ya gina makarantun addini da cibiyoyin lafiya a yankin marran
MatsayiMemba a majalisar Yaman har zuwa shekarar 1997 miladi


Husain Badr Al-Din al-Husi (Larabci:حسين بدر الدين الحوثي) 1960-2004 shi ne jagoran ƙungiyar Ansarullah ta Yaman kuma wanda ya assasa. Ya kasance ɗaya daga cikin Shi'a mazhabar Zaidiyya, yana ƙarƙashin jagorancin Imam Khomaini ya tasirantu da fikira da kuma aƙidar adawa da Amurka da Isra'ila, ya kuma sanya hakan matsayin taken tafiyarsu da siyasa, sannan ya bayyana batun Falasɗinu a matsayin ɗaya daga cikin abubuwan da ya sa a gaba. Ya fara ayyukansa na siyasa ta hanyar yaƙar tasirin karkatattun aƙidu misalin Wahabiyanci. Shi ne ya ƙagi shahararren taken Husi mai suna Sarka. Husaini Al-Husi sakamakon adawarsa da Amurka, gwamnatin Yaman ƙarƙashin jagorancin Ali Abdullah Salihu sun kashe shi.

Matsayi

Bikin zagayowar ranar shahadar Hossein Badreddin Houthi a birnin Sana'a (2023 AD).

An haifi Sayyid Husaini a shekara ta 1960 (Sha'aban 1379 hijira) a yankin Ruwaisi na jahar Sa'ada a ƙasar Yaman,[1] Shi ɗan siyasa ne, kuma kwamandan soji, wanda ya kafa ƙungiyar Ansarullah ta ƙasar Yaman kuma jagoran farko na wannan yunƙuri.[2] Danginsa suna bin mazhabar shi'a zadiyya jarudiyya,[3] sakamakon baiwar kaifin basia da Allah ya yi masa, malamansa da abokansa sun siffanta shi matsayin mutum da ya kece sa'a a fannin nazari da zurfin ilimi,[4] kuma sun san shi da halaye misalin jarumtaka, ƙarfin zuciya, basira da kamala,[5] Nasabarsa tana danganewa zuwa ga Imam Hassan (A.S).[6] An ce mahaifinsa Badarud-Din Al-Husi yana daga cikin fitattun maraji'an mazhabar Zaidiyya[7]

Ana ganin Husaini Husi a matsayin mai karkata zuwa ga aƙidar Shi'a imamiyya isna ashariyya, ya yi imani da ismar imamai da kuma imani da Mahadi da aka yi alkawarin zuwansa,[8] wasu kuma sun ce ya koma mazhabar Shi'a Imamiyya.[9]

Kamar yadda wasu masu bincike suka yi nuni da cewa ɓullar sabbin tunanunnuka da aƙidu daban-daban mislain aƙidar Wahabiyanci, ƴan Uwa Musulmi, Guguzu, Nasiriyya da kuma faruwar juyin juya halin Musulunci na Iran, sun yi tasiri cikin sabuntar tunanin Husaini Husi.[10] Wasu dalilai kamar mu'amala da malamai da sauran manyan mutane na ciki da wajan Yaman ne suka samar da tsarin tunanin Husaini.[11] An tattara jawabansa da taken "Malazem" da ƴan wannan ƙungiya suke amfani da su a matsayin bayanin Harkatu Ansarullahi.[12]

Husi ya yi karatun ilimin addini a wurin mahaifinsa. Bayan kammala karatunsa a fannin adabi,[13] ya je Sudan don kammala karatunsa,[14] ya yi rubuce-rubuce masu yawan gaske, wanda ya fi shahara a cikinsu shi ne Al-Sarkha fi wajhi Al-Mustakbirin.

Tunani Da Ra'ayoyi

Husaini Husi ya yi imanin cewa duniyar Musulunci ta lalace kuma hanya ɗaya tilo da za a cece ta ita ce komawa ga Alkur'ani da koyarwarsa.[15]

Ra'ayinsa a Kan Isra'ila da Amurka

Adawa da masu girman kai yana daga cikin halayensa. Ya kasance yana faɗakar da al'ummar ƙasar Yaman game da tasirin Amurka a wannan ƙasa,[16] A mahangarsa, ƴantar da Falasɗinu yana daga hanyar farkawa da ci gaban da fa'ida ga musulmi.[17] ya sanya takunkumin hana siyan kayayyakin Isra'ila da Amurka da raya ranar ƙudus wace take kasancewa a juma'ar ƙarshen watan Ramadan, Sayyid Husaini ba shi da fata ga mahukuntan ƙasashen musulmi na Larabawa wajan ƴantar da Falasɗinu,[18] Ya ɗauki duk wani sulhu da Isra'ila a matsayin abin da ba zai taɓa yiwuwa ba saboda munanan nufi da Isra'ila kedashi akan musulmai.[19]

Ra'yinsa Kan Jamhuriyar Muslunci Ta Iran Da Imam Khomaini

Sayyid Husaini Husi yana ganim tafarkin juyin juya halin Musulunci irin na Iran a matsayin hanya ɗaya tilo ta samun ƴancin al'ummar musulmi,[20] Ya gabatar da tsarin Jamhuriyar Musulunci ta Iran a matsayin abin koyi da ya dace da musulmi, kuma yana da ra'ayin cewa duk wanda ya yi adawa ko yaƙi da juyin juya halin Musulunci na Iran, Allah zai kunyata shi .[21]

Husi ya yi imani cewa ta hanyar farfaɗo da al'adar bara'a daga mushrikai, Imam Khomaini ya bayyanawa mutane ma'anar Hajji dai-dai da ma'anar kur'ani.[22] Ya ɗauki Imam Khomaini a matsayin rahamar Ubangiji ga al'ummar Larabawa, ya ce sun hana kansu ko sun haramtawa kansu wannan ni'ima ta hanyar ƙin bin maganganunsa[23] yana ganin Imam Khomaini a matsayin imami adali, mai tsoran Allah, kuma wanda Allah ya zaɓa[24]

Ayyukan Siyasa Da Zamantakewa

Husaini Husain ya fara harkokin siyasa ta hanyar yaƙar tasirin wahabiyanci a ƙasar Yaman[25] A shekara ta 1993 da nufin ƴantar da yankin Sa'ada koma bayan da yake ciki[26]] da ƴanci wajan shiga majalisar wakilai ta Yaman a matsayin wakilin jam'iyyar Haƙ,[27].[28] Lokacin rikicin jam'iyyun siyasa tsakanin jam'iyyar kwamisanci da jam'iyyu guda Mu'utamar da Islahu Ya jaddada buƙatar samar da sulhu da mafita, ya kuma ƙi marawa gwamnati cikin yunƙurinta afkawa yaƙi.[29]

Sayyid Husaini ya ƙi halartar zaman Majalisar Wakilai sai ya mai da hankali kan kafa ƙungiyar Shabab Al-Mu'min,[30] wace daga baya ake kiranta da Harkar Ansarullahi Yaman,[31] Dalilin farko na kafa wannan ƙungiya shine don gudanar da ayyukan saƙafa..[32] Bayan harrin 11 Satumba da harin da Amurka ta kai wa Afganistan da Iraƙi da kai sojojinta yankin mashigin tekun Aden,[33] sai aka fara ƙiyayya da takun saƙa ta ƙara ruruta tsakanin Amurka da Sayyid Husaini, inda Amurka ta kai farmaki kan ƙasashen musulmi.[34] Husi ya sanya ranar Falasɗinu a matsayin mafarin yunƙurinsa, kuma da gabatar da jawabinsa na farko a wannan rana ya karanta wa al'umma kalmomin Imam Khomaini game da ranar Ƙudus.[35] ya yi nasihohi masu yawa ga Amurka, sannan ya ƙirƙiri sanannen taken Husi na yaƙi da Amurka da Isra'ila mai suna Sarkha.[36] Husaini Husi ya yi ayyuka da dama na zamantakewa ga al'ummar yankinsa, da suka haɗa da samar da ƙungiyar agaji ta Marra da kafa makarantun addini da kafa cibiyoyin kiwon lafiya da ayyukan gine-gine daban-daban.[37]

Kafirta Shi Tare da Kashe Shi

Ƙabarin Husain Badr Al-Din Al-Husi kafin Wahabiyawa su ruguje shi

Sakamakon ayyukan adawa da Isra'ila da Amurka ta kai ga malamai masu goyan bayan gwamnatin Yaman a wancan lokaci sun yi fatawar kafirta shi da kashe shi.[38] Sun masa ƙazafin yana da'awar cewa shi Annabnta, Mahadawiyya da Imamanci.[39] a shekarar 2004, an kama mabiyansa 640[40] Sannan gwamnatin Yaman ta ba da tukwicin dala 55,000 ga duk wanda ya tsegunta mata bayanan da za su kai ga kama shi[41]

Bayan da gwamnatin Yaman ta kashe ƴan uwansa su 25, tikwicin ya ƙaru zuwa dala dubu 75[42] Bayan kwanaki shida da dawowar Ali Abdullahi Saleh daga Amurka, sai gwamnatin mai ci a Yaman ta fara yaƙi da ƴan Husi. An kafa ta ne ta hanyar sai dai kuma an dagatar da wannan yaƙi bisa yarjejeniyar George Bush,[43] shugaban Amurka a lokacin, da Ali Abdullah Saleh a Washington.[44]

Shahada

Kwafin hoto d ayake kan littafin Uwaisu Khomaini

Dakarun gwamnatin Yaman ƙarƙashin jagorancin Ali Abdullahi Saleh sun yi wa Husaini Husi ƙawanya a yankin Maran a shekara ta 1425 hijira/2004 miladiyya. sun tsaya tsayin daka na tsawon kwanaki takwas ana ta ɗauki ba daɗi[45] wanda daga ƙarshe da ya yi shahada, A wani rahotan bayan da ya samu rauni a kansa da kafafunsa kuma ya rasa ganinsa, bayan kama shi ya yi shahada.[46] An ce a wannan yaƙin an kashe ƴan Husi 700 da sojojin Yaman dubu 15.[47] shugaban sojojin Amurka ya aika da wasiƙa zuwa ga Ali Abdullah Saleh ya taya shi murna tare da yi masa godiya.[48]

A shekarar 2013 ne aka miƙa gawar Sayyid Husaini ga iyalansa, suka kuma binne shi a birnin Maran[49] An sabunta gina wani gini kan kabarinsa, wanda aka lalata a shekarar 2015 saboda hare-haren da kawancen Saudiyya suka kai wa garin Marran[50]

Bayanin kula

  1. ↑ Shafukan Masrekha Man Hayat al-Shaheed al-Qaid al-Sayed Hossein Badr al-Din al-Houthi, shafi na 15.
  2. ↑ [https://www.rahianenoor.com/fa/news/17187 Tarihin shahidi mai bayyana hanar haske Sayyed Hussein Badreddin Houthi
  3. ↑ الحوثیون من هم و کیف نشأت حرکتهم
  4. ↑ Shia Zaidi Jarudi
  5. ↑ "Takaitaccen bayanin jagora shahidi Sayyid Hussein Badr al-Din al-Houthi", shafin yanar gizon Ansar Allah.
  6. ↑ جماعة الحوثی (تنظیم الشباب المؤمن/انصارالله) ابرز الشخصیات
  7. ↑ حسین الحوثی... من الدعوه الی التمرد
  8. ↑ جماعة الحوثی (تنظیم الشباب المؤمن/انصارالله) ابرز الشخصیات»،Tariq al-Islam website.
  9. ↑ Al-Mujahid, “Al-Tshi'i fi Sa'ada – tunanin al-Shabaab al-Mu'min fi al-Mizan”, shafi na 196.
  10. ↑ Al-Hiyal, Man Fekr al-Shaheed al-Houthi, 1422 AH, shafi na 6.
  11. ↑ Al-Hiyal, Man Fekr al-Shaheed al-Houthi, 1422 AH, shafi na 6.
  12. ↑ Sheikh Hosseini, janbashe Ansarullah Yemen, 2014, shafi na 245.
  13. ↑ "Al-Sayyed Hossein Al-Houthi.. Al-Fikr Al-Jihadi wa Al-intama Al-Alimani", jaridar Al-Wafaq, Satumba 11, 2023, shafi na 7.
  14. ↑ السید حسین بدرالدین الحوثی من الولاده.. الی معراج الشهاده»
  15. ↑ Sheikh Hosseini, Janbashe Ansarullah Yemen, 2014, shafi na 273.
  16. ↑ الشهید حسین بدرالدین الحوثی», gidan yanar gizon trenches
  17. ↑ Raqqa، «السید حسین الحوثی.. الفکر الجهادی و الانتماء الیمنی», Shafin Al-Mayadeen News Network
  18. ↑ Raqqa«السید حسین الحوثی.. الفکر الجهادی و الانتماء الیمنی»،, Shafin Al-Mayadeen News Network
  19. ↑ السید حسین الحوثی.. الفکر الجهادی و الانتماء الیمنی»، Shafin yanar gizo na Al-Mayadeen News Network
  20. ↑ جماعة الحوثی (تنظیم الشباب المؤمن/انصارالله) - حسین الحوثی و الثورة الایرانیه و رموز التشیع», Tariq al-Islam website
  21. ↑ جماعة الحوثی (تنظیم الشباب المؤمن/انصارالله) - حسین الحوثی و الثورة الایرانیه و رموز التشیع»، , Tariq al-Islam website.
  22. ↑ جماعة الحوثی (تنظیم الشباب المؤمن/انصارالله) - حسین الحوثی و الثورة الایرانیه و رموز التشیع»، وبگاه طریق الاسلام.
  23. ↑ جماعة الحوثی (تنظیم الشباب المؤمن/انصارالله) - حسین الحوثی و الثورة الایرانیه و رموز التشیع», Tariq al-Islam website.
  24. ↑ جماعة الحوثی (تنظیم الشباب المؤمن/انصارالله) - حسین الحوثی و الثورة الایرانیه و رموز التشیع», Tariq al-Islam website
  25. ↑ السید حسین بدرالدین الحوثی من الولاده.. الی معراج الشهاده»، Ansarullah website
  26. ↑ حسین الحوثی... من الدعوه الی التمرد»Gidan yanar gizo na Aljazeera News Network»
  27. ↑ الشهید حسین بدرالدین الحوثی»، Gidan yanar gizon Khanadiq.
  28. ↑ السید حسین بدرالدین الحوثی من الولاده.. الی معراج الشهاده»، Ansarullah website
  29. ↑ السید حسین بدرالدین الحوثی من الولاده.. الی معراج الشهاده»،Ansarullah website
  30. ↑ «حسین الحوثی... من الدعوه الی التمرد»Gidan yanar gizo na Aljazeera News Network.
  31. ↑ الحوثیون من هم و کیف نشأت حرکتهم»،Gidan yanar gizon BBC Hausa.
  32. ↑ Sheikh Husseini, Harkatu Ansarullah ta Yemen, 2014, shafi 242
  33. ↑ Sheikh Hosseini, janbashe Ansarullah Yemen, 2014, shafi na 114.
  34. ↑ Sheikh Hosseini, janbashe Ansarullah Yemen, 2014, shafi na 114.
  35. ↑ حسین الحوثی... من الدعوه الی التمرد»"Shafin yanar gizon Al Jazeera News Network"
  36. ↑ Raqqa «السید حسین الحوثی.. الفکر الجهادی و الانتماء الیمنی», Shafin Al-Mayadeen News Network
  37. ↑ Safhat Masrekha Man Hayat al-Shaheed al-Qaid al-Sayed Hossein Badr al-Din al-Houthi, shafi na 28-31.
  38. ↑ نبذه مختصره عن الشهید القائد السید حسین بدرالدین الحوثی»، Ansarullah website
  39. ↑ من حسين الحوثی الی عبدالملک... انصارالله(۲)»،Yanar Gizo Taskar Labarai Network
  40. ↑ «زندگی‌نامه شهید شاخص راهیان نور سید حسین بدرالدین حوثی»، Tushen bayani na Babban hedikwatar Titin Noor
  41. ↑ حسین الحوثی... من الدعوه الی التمرد»Gidan yanar gizo na Aljazeera News Network».
  42. ↑ «زندگی‌نامه شهید شاخص راهیان نور سید حسین بدرالدین حوثی», Tushen Bayani na Babban hedikwatar Titin Noor
  43. ↑ Raƙƙa، «السید حسین الحوثی.. الفکر الجهادی و الانتماء الیمنی»،Shafin yanar gizo na Al-Mayadeen News Network
  44. ↑ Raqqa«السید حسین الحوثی.. الفکر الجهادی و الانتماء الیمنی»،Shafin yanar gizo na Al-Mayadeen News Network
  45. ↑ «السید حسین بدرالدین الحوثی من الولاده.. الی معراج الشهاده»،Ansarullah website.
  46. ↑ سید حسین بدرالدین الحوثی بنیانگذار انصارالله یمن»، Shafin yanar gizo na Awais Qarni
  47. ↑ Sheikh Hosseini, Janbashe Ansarullah Yemen, 2014, shafi na 87
  48. ↑ Raqqa«السید حسین الحوثی.. الفکر الجهادی و الانتماء الیمنی»،Shafin yanar gizo na Al-Mayadeen News Network
  49. ↑ رقه، «السید حسین الحوثی.. الفکر الجهادی و الانتماء الیمنی»،Shafin yanar gizo na Al-Mayadeen News Network
  50. ↑ رقه، «السید حسین الحوثی.. الفکر الجهادی و الانتماء الیمنی»، Shafin yanar gizo na Al-Mayadeen News Network

Nassoshi

Daga "https://ha.wikishia.net/w/index.php?title=Husain_Badr_Al-Din_Al-Husi&oldid=20631"