Jump to content

Tufanul Al-Aksa

Daga wikishia

Tufanul Al-Aksa, (Larabci: طوفان الأقصى) Hari ne na neman Yanci da Sojojion Rundunar Hamas da ta kai kan Haramtacciyar Kasar Isra'ila a yankin Bakin Iyaka Tsakanin Gaza da Mamayayyar Kasar Falastsinu, wannan hari ya faru a 15 ga watan Mehr shekara ta 1402 h Shamsi daidai da 7 ga watan Oktoba wanda ya dauki wasu kwanaki ana yinsa, da farko dai Dakarun Rundunar Gwagwarmayar Hamas sun fara da Harba Makamai masu Linzani zuwa cikin Mamayayyar Kasar Falastsinu, bayan nan kuma sai suka shiga ta Kasa, Yahudawa yan Mamaya 1400 ne suka sheka Lahira sannan kusan 3000 suka ji rauni sakamakon wannann Hari na Hamas, wannan Hari ya Kunyata Haramtacciyar Kasar Isra'ila kuma hari ne da ba a taba ganin irinsa ba a kansu a tsawon tarihi.

Bayan wannan Hari Sojojin Haramtacciyar Kasar Isra'ila sun kai Harin Ramuwar Gayya kan Yankin Zirin Gaza sun dauki tsawon kwanani suna harba Makamai Masu Linzami masu nauyin gaske, lamarin da ya yi sanadiyar kashe Faraen Hula 2600 da kuma raunata mutane 9000, kashe Fararen Hula da Harba Bomb kan Gidajen Mutane da Isra'ila ta yi ya haifar da Tofin Alatsine da Allawadai daga Kasashe daban-daban na Duniya. Ayatullahi Khamna'i Jagoran Jamhuriyar Muslunci ta Iran da sauran Maraji'an Taƙlidi sun nuna goyan bayansu ga Al'ummar Gaza.

Bayan watanni 15 na rikici tsakanin Hamas da Isra'ila a Gaza, a ranar 19 ga Janairu 2025/30 Dey 1403, an cimma yarjejeniyar tsagaita wuta tsakanin Hamas da Isra'ila, wanda bisa ga wannan yarjejeniya, Isra'ila ta yi alkawarin janyewa daga Gaza. An bayyana wannan tsagaita wuta a matsayin nasara ga Isra'ila.

Muhimmanci Da Haduffa

Dakarun Hamas sun Kaddamar Harin Soja kan Haramtacciyar Kasar Isra'ila a ranar 7 ga watan Octoba 2023 harin da aka fi sani da sunan Tufanul Al-Aksa, Kafofin yada labaran Haramtacciyar Kasar Isra'ila sun siffanta wannan hari da harin da ba a taba ganin kamarsa ba a tsawon tarihinsu kuma Babbar Faduwa ce kansu,[1] haka kuma kan asasin rahotan wasu kafafen yada labarai tare da nakali daga Sojojin Haramtacciyuar Kasar Isra'ila da aka kama su fursunan Yaki sun bayyana cewa wannan Hari Hamas ta tsara shi tsawon shekara guda[2]Yahya Sinwar, daya daga cikin shugabannin Hamas, wanda ya shafe shekaru a gidan yari na Isra'ila, ana ganin shi a matsayin daya daga cikin masu tsara wannan aikin.[3]

Manufar Da Ta Sanya Hamas Kaddamar Da Wannan Hari

Babban Manufa da hadafin Kungiyar Hamas kan wannan Hari shi ne Yantar da Falastsinawa da kuma yakar `Yan Mamayar Sahayoniya da kuma dakile tauye hakkin da Haramtacciyar Kasar Isra'ila take kan Falastsinawa[4] Kafafen Yada Labarai masu goyan bayan Hamas suma sun bayyana cewa wannan Hari na Hamas ya jawo Harin ramuwar gayya daga bangaren Haramtacciyar Kasar Isra'ila ciki kuwa harda keta Alfarmar Masallacin Al-Aksa da cin mutunci masu Gadinsa da bada Kariya da Yan Kama wuri Zaunan Sahayoniya kan cin zarafin Falastsinawa[5] a cikin bayanin Kwamandan Rundunar Hamas wanda aka fitar rana ta uku da fara wannan Yaki ya bayyana dalilin kai Harin da suka yi kan `Yan Keta Alfama Sahayoniya kan Masallacin Al-Aksa da Musulmai da kuma irin zaluncin da suke da keta Alfarmar Kasar Falastsinu[6]

Aiwatar Da Hari

Sayyid Ali Khamna'i:
Wannan bala'i ya samo asali ne daga ayyukan sahyoniyawan da kansu. Lokacin da zalunci da aikata laifuka suka wuce iyaka, lokacin da ta'addanci ya kai iyakarsa, sai a jira guguwar ... Jajircewa da kuma sadaukarwar da Falasdinawan suka yi shi ne amsar laifin makiya masu cin zarafi, wanda hakan ya haifar da tashin hankali. ya kasance yana gudana tsawon shekaru kuma ya karu da ƙarfi a cikin 'yan watannin nan; Ita ma gwamnati mai ci da ke mulkin gwamnatin sahyoniyawan da ke cin karenta ba babbaka

[7]

A ranar 15 ga watan Mehr shekara 1402 h shamsi wanda ya yi daidai da 7 ga watan Oktoba 2023 Dakarun Hamas da suke Zirin Gaza sun Kaddamar tsararren Shirinsu na Harin Shammata Kan Mamayayyar Kasar Falastsinu da take hannun Haramtacciyar Gwamnatin Isra'ila, Mintuna kadan bayan wannan Hari Hamas suka samu Nasarar Harba Makamin Mai linzami har guda 5000 cikin Mamayayyar Kasar Falastsinu, bayan nan kuma Dakarun Hamas suka samu Nasarar shiga ta Kasa[8] Muhammad Dhaifu daya daga cikin Kwamdojin Dakarun Rundunar Hizbu Kassam na Hamas ne ya bada Umarnin wannan tsararren Hari, a farko-farkon Harin Dakarun Hamas sun samu Nasarar cafke wasu adadin Mazauna da Sojojin Sahayoniya sannan suka tsallaka da su zuwa yankin Zirin Gaza a matsayin Fursunonin Yaki, Ministan Yaki Na Sahayoniya ya shelanta Shiga Halin matsanancin Yaki[9] Dakaru 1000 suka shiga wannan Yaki daga bangaren Hamas sannan sun shiga Yankuna 15 cikin Mamayayyar kasar Falastsinu[10] Haramtacciyar Gwanatin Sahayoniya ta bayyana cewa kusan mutum 1400 suka mutu sannan mutum 3500 ne suka raunata daga fara wannan yaki zuwa rana ta 12 sannan[11]

Martani

Anthony Guterres. babban Sakataren majalisar dinkin duniya:
"Yana da mahimmanci a san cewa hare-haren Hamas bai faru ba a cikin wani wuri. An shafe shekaru 56 ana mamayar al'ummar Palasdinu. An ci gaba da mamaye ƙasarsu da ƙauyuka da tashin hankali. Tattalin arzikinsu ya lalace; Mutanensu sun yi gudun hijira tare da lalata gidajensu. Fatansu na samun mafita a siyasance ya ruguje

[12]

Bayan yaduwar Labarin wannan Hari a Kafafen Yada Labarai, hakika Musulmai daga Kasashe daban-daban misalin Iran[13] Afganistan[14] Irak[15] sun matukar Farin ciki sun yi Biki kan Samun Nasarar Hamas. Jamhuriyar Muslunci ta Iran[16] da HIzbullahi Lubnan da Ansarullahi Yaman sun nuna goyan Bayansu kan wannan Hari da Hamas ta kai[17] Ayatullahi Khamna'i[18] Jagoran Jamhuriyar Muslunci ta Iran ya bayyana wannan Hari da Matsayin wata faduwa da bata zata taba gyaruwa ga Haramtacciyar Kasar Isra'ila[19] Ali Rida Arafi Shugaban Hauzozin Ilimi na Iran ya bayyana cewa wannan Hari wani Babban sauyi ne a Duniyar Musulmai.[20]

Amurka ta tura Jirgin Ruwa Mai dauke da Jiragen Sama na Yaki don goyan baya da taya Haramtacciyar Kasar Isra'ila Yaki[21]

Harin Haramtacciyar Kasar Isra'ila Kan Zirin Gaza Da Kashe Fararen Hula

Taron manema labarai na ma'aikatar lafiya ta Gaza a cikin gawawwakin shahidan shahidan harin ta'addancin da Isra'ila ta kai a asibitin Al-Momadani da ke Gaza.

Isra'ilawa sun kai hari kan yankunan zama da na soja a Gaza tun lokacin da aka fara aikin "Tufanul Al-Aksa". Sun katse ruwa da wutar lantarki, sun yi bama-bamai a yankunan zama, sun kashe fararen hula, mata da yara, sun yi bama-bamai kan ma'aikatan lafiya da asibitoci, kuma sun yi amfani da makamai da aka haramta.[22]

A cewar rahoton kamfanonin dillancin labarai, daga ranar 7 ga Oktoba 2023 zuwa 18 ga Janairu 2025/29 Dey 1403, a hare-haren da Isra'ila ta kai wa Gaza, an kashe mutane 47,000, an raunata fiye da 110,000, kuma an rasa fiye da 11,000..[23] Daga cikin wadanda aka kashe, fiye da yara 17,000 da mata 12,000 ne.[24] Haka kuma a wannan lokacin, sojojin Isra'ila sun jefa fiye da tan 52 na abubuwan fashewa a Gaza, sun lalata fiye da gidaje 305,000, kuma sun sa fiye da mutane miliyan 1.5 sun rasa matsugunansu[25]A cikin harin da Isra'ila ta kai wa asibitin al-Ma'amadani, wanda ke cike da raunana da 'yan gudun hijira na Falasɗinu, an kashe fiye da fararen hula 500.,[26] A cewar wasu rahotanni, fiye da kashi 80% na gine-ginen Gaza sun lalace.[27] Haka kuma, an lalata gidaje 150,000 gaba daya, kuma kashi 85% na mazauna Gaza sun rasa matsugunansu.[28] Haka kuma, a cewar wasu rahotanni, an lalata fiye da masallatai 600, asibitoci 33, da makarantu da jami'o'i 110 a lokacin yakin.[29]

Tsagaita Wuta Na Dan Lokaci

Irin barnar da hare haren Isra'ila ya yi a Gaza

Bayan kwanaki 46 na rikici a watan Nuwamba 2023, tare da shiga tsakani na Qatar da Masar, an cimma yarjejeniyar tsagaita wuta na ɗan lokaci tsakanin ƙungiyoyin gwagwarmaya na Falasɗinu da Isra'ila. Bangarorin biyu sun amince cewa daga ranar 24 ga Nuwamba za su dakatar da rikici na tsawon kwanaki hudu. Sharuɗɗan wannan yarjejeniya sun haɗa da sakin fursunonin Isra'ila 50 a Gaza a cikin wata amsa don sakin fursunonin Falasɗinu 150 da aka kama a Isra'ila da kuma shigar da agajin jin kai zuwa zirin Gaza.[30]

Martanin Malamai Da Maraji'an Taklidi Na Shi'a

Bayan watanni 15 na rikici (kwanaki 470) tsakanin Hamas da Isra'ila, an cimma yarjejeniyar tsagaita wuta. Wannan tsagaita wuta zai fara ne daga ranar 30 Dey 1403 / 19 Janairu 2025 a matakai uku. A matakin farko, kuma cikin kwanaki 42, sojojin Isra'ila za su janye daga yankunan kan iyaka na Gaza kuma za a saki fursunonin Isra'ila 33 a cikin wata amsa don sakin fursunonin Falasɗinu fiye da 700. Shiga da agajin jin kai zuwa yankin Gaza za a gudanar da shi a wannan matakin.[31] A matakin na biyu, sojojin Isra'ila za su bar Gaza gaba daya kuma za a dakatar da rikici tsakanin bangarorin biyu gaba daya.[32] A matakin na uku, za a mayar da gawarwakin wadanda suka mutu na bangarorin biyu, a fara shirin sake gina Gaza, da kuma buɗe hanyoyin kan iyaka..[33] An cimma yarjejeniyar tsagaita wuta tare da shiga tsakani na Qatar, Masar da Amurka.[34]

Hamas a cikin wata sanarwa ta bayyana cewa babu wata nasara da Isra'ila ta yi, kadai nasarar Isra'ila a Gaza tun lokacin hare-harenta daga 7 ga Oktoba 2023, shi ne laifukan yaki.[35] Ayatullahi Khamna'i ya kira tsagaita wuta na 19 ga Janairu a matsayin rashin nasara ga Isra'ila, ya kuma ce: “A yau duniya ta fahimci cewa hakurin mutanen Gaza da tsayin dakan gwagwarmayar Falasɗinu ya tilasta wa gwamnatin Yahudawa yin baya. Za a rubuta a cikin littattafai cewa wata rana, wani taron Yahudawa, tare da mafi munin laifukan yaki, sun kashe dubban mata da yara kuma a karshe sun sha kaye.[36]Shugaban kasar Turkiyya cikin martani da ya yi bayan tsagaita wuta, ya ce an gano kashe mutane 50,000 mafi yawancin su mata ne da yara,amma tare da haka mutanen Gaza ba su mika wuya sun yi saranda ga Isra'ila ba.[37] An ce duk da cewa Isra'ila ta lalata Gaza da Rafah gaba ɗaya kuma ta kashe wasu daga cikin shugabannin Hamas kamar Isma'il Haniyye da Yahaya Sinwar, amma ba ta cimma burinta na yaki a Gaza ba.[38] Manufar Isra'ila sun haɗa da ganin bayan Hamas gaba ɗaya, 'yantar da fursunonin Isra'ila, sauya gwamnatin Gaza, da haɗa Gaza zuwa Isra'ila.[39]

Sakonnin Tattalin Arziki Siyasa da Tsaro

Waɗannan wasu daga cikin tasirin tattalin arziki, siyasa, da tsaro na aikin "Tofan al-Aksa" kamar haka:

Zanga-zangar adawa da sahyoniyawan a birnin London na nuna goyon bayan ayyukan guguwar Al-Aqsa, mai taken "'yancin Falasdinu".

Martanin Malamai Da Maraji'an Taklidi Na Shi'a

Ayatullahi Ali Khamna'i, jagoran Jamhuriyar Musulunci ta Iran, a cikin jawabi da Ayatullahi Ali Sistani, babban malamin Shi'a da ke zaune a Najaf, ta hanyar sanarwa sun yi Allah-wadai da hare-haren da sojojin Isra'ila suka kai Gaza. Hakanan, malaman Shi'a na Nuri Hamadani, Makarim Shirazi, Jafar Subhani, da Jawadi Amoli sun maida martani ga wannan hari kuma sun nuna goyon bayansu ga Falasɗinu.[40] Ayatullahi Khamna'i hakika kashe falastsinawa da Isra'ila take yi a bayyana kisa ne na kare dangi, kuma dole a dagatar da wannan ta'addanci da ruwan bama-bamai da ake yi kan raunana.[41]

Daliban Jami'a Sun Shirya Zanga-zangar Nuna Rashin Yarda Tare kuma Da Goyan Bayan Falastsinawa

Bayan hare-haren da gwamnatin Isra'ila ta kai wa Gaza, tun daga ranar 17 ga Afrilu 2024, zanga-zangar lumana ta ɗalibai don martani ga kisan kare dangi da kisan mutane Gaza ta faro daga jami'o'in Amurka kuma a hankali ta yadu zuwa sauran jami'o'in ƙasashen yammacin duniya.[42] Daukar matakin hukunta, kamu, da korar ɗaliban zanga-zanga daga gwamnatin Amurka da sauran gwamnatocin yammacin duniya sun haifar da martani daban-daban.[43] Daga cikin waɗanda suka yi martani, Ayatullahi Khamna'i, jagoran Jamhuriyar Musulunci ta Iran, ya fito da wata wasika zuwa ga ɗaliban da ke goyon bayan Falasɗinu a Amurka inda ya bayyana goyon bayansa da jin daɗinsa ga matakin da suka ɗauka. A cikin wannan wasikar, ya bayyana matasan da ke goyon bayan Falasɗinu a Amurka a matsayin wani ɓangare na juyin juya hali wanda, sabanin gwamnatin su, suka fara yaƙin tsere na girmamawa da Isra'ila kuma suna tsaye a gefen da ya dace na tarihi. Ya kuma shawarce su da su fahimci Al-kur'ani.[44]

Hakanan, an gudanar da zanga-zanga don nuna rashin amincewa da ayyukan sojojin Isra'ila na kashe mutanen Gaza a wurare daban-daban na duniyar Musulunci da ƙasashen da ba musulmai ba. Turkiyya, Iran, Malaisiya, Astireliya, Birtaniya da Amurka na daga cikin ƙasashen da aka gudanar da zanga-zanga don nuna goyon baya ga ƙungiyoyin gwagwarmaya.[45]

Wargaza Shirin Amurka Da Isra'ila Na mamaye Duniyar Musulunci.

Kamar yadda Ayatullahi Khamna'i, jagoran Jamhuriyar Musulunci ta Iran ya fada, aikin Tofan al-Aqsa ya rusa shirin da Amurka, Isra'ila da wasu gwamnatocin yankin suka yi don sanya gwamnatin Isra'ila ta mamaye tattalin arziki da siyasar yankin Gabas ta Yamma da ma duniyar Musulunci baki ɗaya. Bisa ga wannan shiri, an tsara cewa dangantakar gwamnatin Isra'ila da gwamnatocin yankin Gabas ta Yamma za ta kasance bisa ga bukatun Isra'ila..[46] Hakanan, bisa ga wasu rahotanni, bayan aikin Tofan al-Aksa, Saudi Arabiya ta dakatar da shirinta na mayar da dangantaka da Isra'ila.[47]

An samu mummunar Faduwar Kasuwar Hannun Jari Na Haramtacciyar Kasar Isra'ila.

Bayan Tufanul Al-Aksa da cigabanta zuwa kwana biyar `Yan Kasashen waje Mazauna Haramtacciyar Kasar Isra'ila sun tattara inasu-inasu sun fice sun gudu[48] Al'amarin da ya haifar da mummunar Faduwar Kasuwar Hannun Jari, da raguwar darajar Takardar Kudaensu a Kasashen Duniya duka haka yana daga.[49]

Dauki ba dadin Haramtacciyar Kasar Isra'ila Da Kungiyar Hizbullahi Lubnan A Arewacin Mamayayyar Kasar Falasɗinu

Tushen Makala: Harin Sahayoniyawa Kan Labanun A 2024

rana tga biyu da kai Harin neman Yanci da Hamas ta yi, Kungiyar Hizbullahi Lubnan ta goyi baya, kuma ta yi da'awar cewa kai Hare-hare kan Matsugunan Sojojin haramtacciyar Kasar Isra'ila har guda uku[50] Har ila yau a yunkuri taka burki daga hare-haren Isra'ila, da hana ta zubar da jinin fararen hula na Gaza, Hizbullahi Lubnan ta kaddamar hare-hare a arewacin haramtacciyar kasar Isra'ila,Sojojin Haramtacciyar Kasar Isra'ila cikin martaninsu ga goyan bayan da Hizbullah ta yi ga Hamas da mutane Gaza, ta kaddamar da hare-haren bom, inda ta kashe manya-manyan kwamandojin gwagwarmaya, misalin Fu'ad Shukur, Ibrahim Akil, Nabil Karuk da Ali Karaki, sannan kuma ta yi amfana da fasahar sadarwa da Hizbullahi suke amfani da ita wace ake kira da feja (Pager) ta dasa sinadaran abu mai fashewa ta tarwatsa shi inda ta kashe wasu adadi daga membobin Hizbullahi da kuma mutanen gari, bayan kwanaki kadan da wannan ta'addanci, sai kaddamar da harin jirage masu dauki da bom mau nauyi inda ta kashe babban sakataren Hizbullahi Sayyid Hassan Nasrullah.

Gudun Hijirar `Yan Mamaya Daga Wuraren Da Suka Mamaye

Bisa ga bayanin wani masani kan harkokin duniya, aikin Tofan al-Aksa zai kara yawan hijirar 'yan gudun hijira daga Sahayoniyawa daga yankunan da suka mamaye.[51] Haka kuma, bisa ga bayanin Mohammad Hossein Kadiri Abyaneh, masani kan harkokin dabarun, aikin Tofan al-Aqsa ba wai kawai ya dakatar da hijira zuwa yankunan da aka mamaye ba ne; har ma da hijira daga yankunan da aka mamaye ya fara.[52] Tashar Al-Alam ta ruwaito daga Ilan Pappe, masanin tarihi na Isra'ila, cewa bisa ga amintattun hanyoyi, tun daga farkon yakin Gaza, Yahudawa 700,000 sun bar yankin Falasɗinu da aka mamaye.[53]

Kai hari kan sansanonin Amurka a Iraki da Siriya

Bayan hare-haren Isra'ila a Gaza da kisan fararen hula, ƙungiyoyin ‘yan gwagwarmaya na Iraqi sun kai hari kan sansanonin Amurka a Iraki da Siriya. A cewar jami'an wadannan ƙungiyoyi, waɗannan hare-hare an kai su ne don martani ga tallafin kuɗi, makamai, da na siyasa da Amurka ke bayarwa ga gwamnatin Yahudawa, kuma za a ci gaba da kai hare-haren har sai Isra'ila ta dakatar da hare-harenta a Gaza. Bisa ga rahoton jaridar Kayhan (wanda aka buga ranar 11 ga Oktoba 2023) daga Fox News, daga ranar 7 ga Oktoba an kai hari 42 kan sansanonin Amurka a Iraki da Siriya.[54]

Kamfen ɗin Hana Sayen Kayayyakin Isra'ila

Mutane a kasashe daban-daban na duniya suna kiran a kaurace wa kayan Isra'ila ta hanyoyin kamfen daban-daban.[55] Haka kuma, Ministan Harkokin Wajen Jamhuriyar Musulunci ta Iran, a cikin ganawarsa da Sakatare-Janar na Kungiyar Hadin Kan Kasashen Musulmi, ya nemi wasu kasashen Musulmi su dakatar da fitar da mai zuwa Isra'ila.[56]

Katse dangantakar Diplomasiyya Tsakanin Wasu Kasashe Da Isra'ila Da Gwamnatocin Da ke Goyon Bayanta.

Kolombiya, a martanin da ta yi ga kisan fararen hula a Gaza, ta katse dangantakar diplomasiyya da Isra'ila kuma ta kori jakadanta.[57] Haka kuma, gwamnatin Libiya ita ma ana ta martanin ta kori jakadun kasashen Ingila, Amurka, Faransa, da Italiya daga Tripoli saboda matsayin gwamnatocinsu na goyon bayan gwamnatin Yahudawa.[58] Ministan Harkokin Wajen Jamhuriyar Musulunci ta Iran, a cikin ganawarsa da Sakatare-Janar na Kungiyar Hadin Kan Kasashen Musulmi, ya nemi a kori jakadun wannan gwamnatin daga kasashen Musulmi.[59] Shugabannin jam'iyyun siyasa na Sa'adat da Makomar Turkiyya suma sun nemi Ankara ta katse dangantaka da Tel Aviv kuma ta kori jakadan Isra'ila daga Turkiyya.[60]

Kasancewar Bahar Maliya Ba Aminci Ga Jiragen Isra'ila

Tushen Kasida: Yaƙin Fatahu Mau'ud Da Jihad Mukaddas

Bayan aikin Tufan al-Aksa kuma a martanin da Isra'ila ta kai hari da kisan fararen hula a zirin Gaza, kungiyar Ansarullah ta Yaman ta bayyana cewa jiragen ruwa na Yahudawa a cikin Bahar Maliya za su zama abubuwan da za su kai wa hari. Saboda haka, a ranar 19 ga Nuwamba 2023, sun kama wani jirgin kasuwanci da ake kira "Galaxy Leader" a cikin Bahar Maliya; wannan jirgin mallakar wani dan kasuwan Isra'ila ne mai suna "Rami Ungar".[61] Haka kuma, kungiyar Ansarullah ta Yemen ta bayyana cewa jiragen ruwa na Yahudawa da kuma jiragen kasuwanci wanda yake ziyaye Isra'ila za su zama abubuwan da za su kai wa hari a cikin Bahar Maliya da Tafkin Bab al-Mandab.[62]

Amurka, domin rage karfin 'yan Houthi da dakatar da ayyukansu, ta kai hari kan wasu muhimman wurare na kungiyar Ansarullah a sassan daban-daban na Yaman.[63] Duk da haka, kungiyar Ansarullah ta bayyana cewa hare-haren ba za su hana su tallafawa Palasɗinu ba.[64]

Umarnin Kotun Duniya Na Kama Firaministan Isra'ila

Kotun Hukunta Manyan Laifuka ta Duniya a The Hague, a ranar 1 ga Azar 1403H/21 ga Nuwamba 2024M, ta ba da umarnin kama Benjamin Netanyahu, Firayim Ministan gwamnatin Yahudawa, da Yoav Galant, tsohon Ministan Yakin wannan gwamnatin. An bayyana dalilin wannan hukunci a matsayin aikata laifukan yaki da laifuka a kan bil'adama a Gaza.[65] Bisa ga rahoton hukumar labarai ta Deutsche Welle, gwamnatocin Turai kamar Faransa da Ingila sun goyi bayan wannan hukunci, akasin Amurka. Babban jami'in siyasar waje na kungiyar Tarayyar Turai a lokacin ya kuma tabbatar da wannan hukunci, yana mai cewa yana wajaba ga duk kasashen da ke cikin wannan kotu, ciki har da Tarayyar Turai.[66]

Harin Iran Kan Isra'ila

Tushen Kasida: Ofirshen Na Wa'adus Sadik Da Harin Makami Mai Linzami Na Iran Kan Isra'ila

A ranar 14 ga Afrilu 2024, Iran ta kai hari kan muhimman wurare na soja a cikin Falasdinawa da aka mamaye, ta amfani da jiragen saman yaki da makamai masu linzami.[67] A cikin wadannan hare-hare, wasu makamai masu linzami na Iran sun tsallaka tsarin kariyar Isra'ila, suka kai hari kan wasu muhimman wurare a cikin Falasdinawa da aka mamaye, suka kuma yi wa sansanonin soja biyu na rundunar sojan Isra'ila barna..[68] An bayyana wannan aikin a matsayin babbar harin jiragen saman yaki mafi girma a duniya, da kuma babbar harin makami mafi girma a tarihin Iran.[69] An kai wannan hari ne a martanin da sojojin Isra'ila suka kai ranar 1 ga Afrilu 2024 kan ginin jakadancin Iran a Damascus.[70] Bayan tallafin da Jamhuriyar Musulunci ta Iran ta bayar ga kungiyoyin gwagwarmayar Falasɗinawa, sojojin Isra'ila sun kai hari kan ofishin jakadancin Iran; a cikin wannan harin, mutane bakwai daga cikin membobin Revolutionary Guards ciki har da Mohammad Reza Zahedi daga manyan kwamandojin Quds Force sun rasa rayukansu.[71]

Haka kuma, a ranar 1 ga Oktoba 2024, Iran ta kai hari kan muhimman wurare na soja da tsaro a yankunan da aka mamaye a martanin kisan gillar da aka yi wa Ismai'l Haniyye, shugaban ofishin siyasa na Hamas, Sayyid Hassan Nasrullah, sakataren kungiyar Hizbullah Lubnan a lokacin, da kuma Sayyid Abbas Nilfurushan, mataimakin kwamandan ayyukan kungiyar sojojin kare juyin juya hali na Iran.[72]

Sakon da Tufanul Al-Aksa ya isar

daga cikin Sakkoni masu dogon Zango da Harin ya isar shine za a samu raguwar saka hannun Jari a Haramtacciyar Kasar Isra'ila[73]

Jingine Daidaita Alaka tsakanin Kasar Saudi Arabiya da Haramtacciyar Kasar Isra'ila

Kan Asasin rahotanni da suka zo bayan Harin neman `yanci na Tufanul Al'aksa, Kasar Saudi Arabiya ta dagatar da shirinta na Daidaita Alaka da Haramtacciyar Kasar Isra'ila[74]

A Duba Masu Alaƙa

Bayanin kula

  1. ↑ "Ranar 10 na aiki" guguwar Al-Aqsa", cibiyar sadarwa ta Al-Alam.
  2. ↑ "Wane ne babban wanda ya yi hasarar aikin " guguwar Al-Aqsa "?
  3. ↑ «Hamas’s pick of Yahya Sinwar as leader makes a ceasefire less likely»، economist.
  4. ↑ "Guguwar Al-Aqsa ita ce madaidaicin koma bayan gwamnatin sahyoniyawan", Cibiyar Bincike ta Majalisar Musulunci.
  5. ↑ "Ranar 10 na aiki" guguwar Al-Aqsa", cibiyar sadarwa ta Al-Alam.
  6. ↑ "Lokaci zuwa yanzu tare da kwana na uku na guguwar Al-Aqsa", kamfanin dillancin labarai na Al-Alam.
  7. ↑ «مراسم مشترک دانش‌آموختگی دانشجویان دانشگاه‌های افسری نیروهای مسلح»، Ofishin Kula da yada Ayyukan Ayatollah Khamenei.
  8. ↑ «دهمین روز از عملیات طوفان الاقصیٰ»، Tashar Al-alam
  9. ↑ "Lokaci zuwa lokaci tare da aikin Tofan al-Aqsa", cibiyar sadarwar Al-Alam.
  10. ↑ "Wane ne babban wanda ya yi hasarar aikin " guguwar Al-Aqsa "?
  11. ↑ «دوازدهمین روز از عملیات طوفان الاقصیٰ»، شبکه العالم؛ «Palestinian health minister says 3,478 killed in Gaza; Israeli government says 1,400 killed in Israel", nbcnews.
  12. ↑ "Guterres: War also has rules", Anadolu Agency.
  13. ↑ Misali, duba: "Farin cikin mutanen Tehran bayan nasarar da Falastinawa suka samu a farmakin guguwar Al-Aqsa", kamfanin dillancin labaran IRNA.
  14. ↑ Farin cikin al'ummar Afganistan bayan harin guguwar Al-Aqsa", kamfanin dillancin labarai na Mehr.
  15. ↑ "Hoton bikin farko na aikin guguwar Al-Aqsa". An fara bukukuwan murna da farin ciki", 'yan uwanta
  16. ↑ "Tehran na ci gaba da bayar da goyon baya ga dukkanin gwagwarmayar Palasdinawa, goyon bayan Iran ga " guguwar Al-Aqsa ", shafin yanar gizon jaridar Dunyai Ekhtaz.
  17. ↑ "Lokaci zuwa lokaci tare da rana ta biyu na aikin guguwar Al-Aqsa]", Al-Alam Network.
  18. ↑ «"أنصار الله": "طوفان الأقصى" كشفت ضعف العدو.. ودعوات إلى الاحتشاد دعماً للعملية». Tashar Al-mayadeen.
  19. ↑ "Taron yaye daliban jami'o'in sojoji na hadin gwiwa", ofishin kiyayewa da buga ayyukan Sayyidina Ayatullah Azmi Khamene'i.
  20. ↑ "Aikin guguwar Al-Aqsa mafarin babban sauye-sauye ne a duniyar Musulunci da kuma yankin", Majalisar Tsaro.
  21. ↑ "Lokaci zuwa lokaci tare da kwana na biyar na aikin " guguwar Al-Aqsa ", kamfanin dillancin labarai na Al-Alam.
  22. ↑ "Ranar 10 na aiki" guguwar Al-Aqsa", cibiyar sadarwa ta Al-Alam.
  23. ↑ «حملات ۱۵ ماهه اسرائیل به غزه: کشته شدن ۴۷ هزار فلسطینی و ویرانی زیرساخت‌ها»، Kamfanin dillancin labarai na Anatoli.
  24. ↑ «حملات ۱۵ ماهه اسرائیل به غزه: کشته شدن ۴۷ هزار فلسطینی و ویرانی زیرساخت‌ها»، Kamfanin dillancin labarai na Anatoli.
  25. ↑ «إسرائيل دمرت أكثر من 305 آلاف منزل في غزة»
  26. ↑ «دوازدهمین روز از عملیات طوفان الاقصی»، Tashar Al-alam.
  27. ↑ «حملات ۱۵ ماهه اسرائیل به غزه: کشته شدن ۴۷ هزار فلسطینی و ویرانی زیرساخت‌ها»، خبرگزاری آناتولی.
  28. ↑ «جنگ ۴۶۶ روزه غزه به روایت آمار»، Shafin Yanar Gizo na Nazari da Labarai na Asr Iran.
  29. ↑ «جنگ ۴۶۶ روزه غزه به روایت آمار»، Shafin Yanar Gizo na Nazari da Labarai na Asr Iran.
  30. ↑ «الهدنة الإنسانية المؤقتة في غزة 2023.. بنودها وتفاصيلها»، Tashar Al-jazira.
  31. ↑ «جزئیات عقب‌نشینی ارتش اشغالگر اسرائیل از غزه»،‌ شبکه العالم؛ «متن کامل توافقنامه حماس و رژیم صهیونیستی برای آتش‌بس»، خبرگزاری مهر.
  32. ↑ «جزئیات عقب‌نشینی ارتش اشغالگر اسرائیل از غزه»،‌ Tashar Al-alam
  33. ↑ «متن کامل توافقنامه حماس و رژیم صهیونیستی برای آتش‌بس»، Kamfaninn dillancin labarai na Mehr
  34. ↑ «دفتر نتانیاهو: اسرائیل و حماس توافق آتش‌بس غزه را امضا کردند»،‌ Kamfaninn dillancin labarai na DW.
  35. ↑ «حماس: جنایات جنگی تنها موفقیت اسرائیل در غزه بوده است»، Kamfaninn dillancin labarai na Anatoli.
  36. ↑ «توئیت رسانه KHAMENEI.IR در پی اعلام آتش‌بس در غزه»، Ofishin Kula da Bayar da Ayyukan Ayatullah al-Uzma Khamenei.
  37. ↑ «اردوغان: غزه با وجود بیش از ۵۰ هزار شهید تسلیم نشد»،‌ Kamfanin dillancin Labarai na Anatoli
  38. ↑ حجت، «آتش‌بس؛ اسرائیل پیروز شد؟»،Kamfanin Dillancin labari na Jamhur.
  39. ↑ حجت، «آتش‌بس؛ اسرائیل پیروز شد؟»،Kamfanin Dillancin labari na Jamhur.
  40. ↑ "Martanain Maraji'an takilid kan ta'addancin Isra'il"،Kamfanin dillancin labarai na Mashreq.
  41. ↑ "Ganawa tare da masu hikima da masu hazaka na kimiyya tare da Jagoran Juyin Juya Halin," Ofishin Kula da Bayar da Ayyukan Ayatollah al-Uzma Khamenei.
  42. ↑ «جنبش دانشجویی حمایت از فلسطین از آمریکا به فرانسه رسید»، Kamfanin dillancin labarai na ISNA
  43. ↑ برای نمونه نگاه کنید به «واکنش سازمان ملل به بازداشت دانشجویان حامی فلسطین در دانشگاه‌های آمریکا»، Kamfanin dillancin labarai na IRNA
  44. ↑ «نامه حضرت آیت‌الله خامنه‌ای به دانشجویان حامی مردم فلسطین در دانشگاه‌های ایالات متحده آمریکا»،Yanar Gizon Ofishin Kula da Bayar da Ayyukan Ayatollah al-Uzma Khamenei.
  45. ↑ "Ranar Tara na Aikin 'Tofan al-Aqsa,'" tashar Al-Alam.
  46. ↑ بیانات آیت‌الله خامنه‌ای در مراسم سی و پنجمین سالگرد ارتحال حضرت امام خمینی، Ofishin Kula da Bayar da Ayyukan Ayatollah al-Uzma Khamenei.
  47. ↑ "Wata majiya kusa da gwamnatin Saudiyya: Riyadh ta dakatar da tattaunawar daidaita dangantaka da Isra'ila," rahoton Tasnim News Agency.
  48. ↑ "Lokaci zuwa lokaci tare da rana ta biyar na " guguwar Al-Aqsa ", Al-Alam Network.
  49. ↑ Ku duba «واکنش سازمان ملل به بازداشت دانشجویان حامی فلسطین در دانشگاه‌های آمریکا»، Kamfanin dillancin Labarai na Iran
  50. ↑ "Lokaci zuwa lokaci tare da rana ta biyu na aikin guguwar Al-Aqsa]", Al-Alam Network.
  51. ↑ Saffalgar, "Makomar gwamnatin Isra'ila a karkashin aikin 'Tofan Aksa'," shafin nazari na Tanin.
  52. ↑ "Aikin Tofan al-Aqsa ya dakatar da hijira zuwa yankunan da aka mamaye," shafin Radiyo Gofoto.
  53. ↑ «۷۰۰ هزار صهیونیست اراضی اشغالی را ترک کردند»، Tashar Al-alam
  54. ↑ "Aika wa Isra'ila makamai 7,000 daga Amurka ya kara kaifin hare-haren 'yan gwagwarmaya kan sansanonin Amurka," jaridar Kayhan, 20 ga Nuwamba, 1402 kalandar hijira shamsiyya.
  55. ↑ برای نمونه نگاه کنید به «واکنش کاربران به جنایات رژیم جعلی صهیونیستی؛»، Jaridar Daneshname Iran.
  56. ↑ "Amir Abdullahian: Muna neman kakaba takunkumi cikin gaggawa da cikakke akan gwamnatin Yahudawa daga kasashen Musulmi," hukumar labarai ta IRNA.
  57. ↑ «کلمبیا سفیر رژیم اسرائیل را اخراج کرد»، اTashar Al-alam.
  58. ↑ «لیبی سفرای تعدادی از کشورهای حامی اسرائیل را اخراج کرد»،Kamfanin dillancin labarai na IRNA
  59. ↑ "Amir Abdullahian: Muna neman kakaba takunkumi cikin gaggawa da cikakke akan gwamnatin Yahudawa daga kasashen Musulmi," hukumar labarai ta IRNA.
  60. ↑ «درخواست اخراج سفیر رژیم صهیونیستی از ترکیه»،Kamfanin dillancin labarai na Tasneem
  61. ↑ "Yemen’s Houthi rebels seize cargo ship in Red Sea and call Israeli vessels ‘legitimate targets’»، guardian.‏
  62. ↑ «القصف الأميركي لليمن.. السعودية تدعو لضبط النفس وعدم التصعيد»،Tashar Al-jazira
  63. ↑ «ضربات أميركية وبريطانية على أهداف في صنعاء والحديدة والحوثي يتوعد بالرد»، Tashar Al-jazira.
  64. ↑ «أميركا وبريطانيا تنفذان 48 غارة شمال اليمن والحوثيون: سنواصل دعم غزة»، Tashar Al-jazira.
  65. ↑ «حکم دیوان لاهه چه تبعات سیاسی - حقوقی برای نتانیاهو و رژیم صهیونیستی دارد؟»، خبرگزاری مهر؛ «واکنش‌ها به صدور حکم جلب نتانیاهو و گالانت در دادگاه لاهه»،"Hukumar Labarai ta Deutsche Welle".
  66. ↑ «واکنش‌ها به صدور حکم جلب نتانیاهو و گالانت در دادگاه لاهه»،"Hukumar Labarai ta Deutsche Welle".
  67. ↑ «حمله گسترده موشکی و پهپادی ایران به اسرائیل آغاز شد»، خبرگزاری تسنیم.
  68. ↑ موشک هایپرسونیک ایران به اهداف اسرائیلی اصابت کرد»Kamfanin dillancin labarai na Online.
  69. ↑ Motamedi, "‘True Promise’: Why and how did Iran launch a historic attack on Israel?», Al Jazeera Media Network.
  70. ↑ «سرلشکر باقری: گنبد آهنین نتوانست مقابله قابل‌توجهی با عملیات ما داشته باشد»، Tashar Al-alam
  71. ↑ «حمله اسرائیل به کنسولگری ایران در سوریه و شهادت ۷ عضو ارشد سپاه (+فیلم و عکس)»، Asre Iran.
  72. ↑ «بیانیه سپاه پاسداران انقلاب اسلامی درخصوص عملیات موشکی علیه اسرائیل»، Tashar Al-alam.
  73. ↑ "Wane ne babban wanda ya yi hasarar aikin " guguwar Al-Aqsa "?
  74. ↑ "Majiyar da ke kusa da gwamnatin Saudiyya: Riyadh ta dakatar da tattaunawar daidaitawa da Isra'ila", kamfanin dillancin labarai na Tasnim.

Nassoshi

Daga "https://ha.wikishia.net/w/index.php?title=Tufanul_Al-Aksa&oldid=14764"