Badrud-Dini Al-Husi

Badrud-Dini Al-Husi

Badrud-Dini Al-Husi (Larabci:السيد بدر الدين بن أمير الدين بن الحسين بن محمد الحوثي)(1431-1345) malami ne na mazhabar Zaidiyya kuma jagoran tafiyar ƙungiyar Ansarullah a ƙasar Yemen. Shi ne mahaifin Husaini Al-Husi wanda ya kafa Harkar Ansarullah. Bayan kashe Husaini, Abdul Malik Al-Husi, ɗa ga Badrud -Dini Al-Husi, ya karɓi ragamar jagorancin wannan yunƙuri. Badrud-DIni Al-Husi na ɗaya daga cikin masu goyon bayan juyin juya halin Musulunci na Iran, masu goyon bayan haɗin kan Musulunci da goyon bayan Palasɗinu. Ya rubuta littattafai da dama, ciki har da Al-Taisir fi Al-Tafsir. An tattara ayyukansa da rubututtukan Badrud-Dini na game da Wahabiyanci a cikin jerin silsilatuz-Zahabiyya fi rad alal-Wahabiyya. Abdul Malik Al-Husi shugaban ƙungiyar Ansarullah ɗane na uku a wajansa.

Matsayi da Muhimmancinsa

Badrud-Dini Al-Husi shugaba mai tafiyar da ƙungiyar Ansarullah ta ƙasar Yemen. kuma ana ɗaukarsa ɗaya ɗaga cikin malamai kuma maraj'ai. masu tafsiri na mazhabar Zaidiyya Jarudiyya.

Shi dai Husi yana ɗaya daga cikin masu kare haɗin kan Musulunci. Ya kasance mai himma wajen tunkarar tunani da masu aƙidar adawa da musulunci. yana da Littattafai daya rubuta masu yawa kan asalin addinin musulunci da kore aƙidar wahabiyanci.

Nau'in Tunaninsa

Badar al-Din Husi ya kasance mai bada muhimmanci ga batun Falasɗinu da fuskantar Isra'ila, yana ganin ya zama dole a tallafa wa waɗanda ake zalunta. Ya goyi bayan matsayin ɗansa Husaini wajen fuskantar Amurka ta hanyar rera taken Sarkha da ƙauracewa siyan kayayyakin Amurka da Isra'ila. Badr al-Din yana ganin haɗin kan Musulmai ya zama wajibi don tunkarar babban hatsarin da musulmi suke fuskanta, ya kuma so ya ɗauki matakin da ya dace wajen fuskantar makircin Amurka da Isra'ila da fuskantarsu.

Yana ganin aƙidar Husi kusa da ta Shi'a Imamia, sannan yana ganin wasu daga maƙiyan Imam Ali (a.s) waɗan da suka san gaskiyar abin da Annabi ya faɗa. Amma suka juya masa baya to yana ganin su a matsayin kafirai.

Goyan Bayan Iran da Tasirintuwa da Juyin Juya Halin Muslunci na Iran

Badrud-Dini Al-Husi lokacin taron hadin kai da aka yi a Iran shekara 1374 h. shamsi

Badr al-Din Husi yana ɗaya daga cikin masu goyon bayan juyin juya halin Musulunci na Iran, An ce ya yi bikin murnar nasarar da sojojin Iran suka samu a yaƙin Iran da Iraki na basasa ta hanyar harba harsasai a sama saboda nuna farin cikinsa a fili, Hakanan kafa ƙungiyar ansarullah da fara harkokin ta yasamo asaline daga juyin juya halin Musulunci na Iran, Kuma ana ganin manufofinsa da na 'ya'yansa sun yi daidai da manufofin Iran[11]. Badruddin ya yi tafiya zuwa Iran tare da ɗansa Hussein a shekara ta 1994. Wasu sun bayyana cewa ya koma ƙasar Yemen a shekara ta 2002. wasu kuma sun ce ya zauna a Iran na tsawon shekara ɗaya. wasu suna ganin a wannan zaman a iran ya tasirantu da maz'habar Shi'a goma sha biyu, Don haka ne ake ɗaukar Ansarullah a matsayin Kungiyar Shi'a Imami goma sha biyu. Amma Husi sun yi watsi da wannan iƙirari kuma suna jaddada matsayinsu na Zaidi.

Ayyukan Siyasa

Bayan shahadar ɗansa Hussein, Badar al-Din ya karɓi ragamar jagorancin ƙungiyar Ansarullah, tare da taimakon wasu malaman Zaidiyya ya kafa kungiyar Hizb al-Haƙ[21] husi ya kasance daga manyan masu tafiyar da wannan ƙungiya, ya bar wannan jam'iyya ya kafa wata ƙungiyar mai suna Shabab al-Mu'umin. Badruddin Husi ya gayyaci ɗalibansa domin yaƙar gwamnati bayan tasirin da Amurka ta yi a ƙasar Yemen wajen tunkarar mayakan Al-ƙaida da kuma tsoma bakin ƙasashen waje cikin harkokin cikin gidan Yemen, wannan al'amari yasa gwamnati ta kai hari gidansa hakan ya tilasta masa ya bar ƙasar.

An ce an sha kai hari don a kashe Badarul Din sau da dama. A lokacin da aka kai masa hari a ƙauyen Al-Kharb, an kashe 'yan uwansa da dama, Har ila yau, ba a yi nasarar kashe shi ba. Hakan ya faru a shekara ta 2005 wanda ya janyo yaƙi a tsakanin 'yan Husi da gwamnatin Yaman, an dakatar da yaƙin a lokacin da ake zaton an kashe Badruddin

Halaye da Ɗabi'unsa

Malaman da sukai zamani da Badarul-din Husi sun yaba da halayensa masu kyau. Majdul Din Mu’ayyidi yana ganinsa a matsayin malami mai fa’ida kuma ya yaba wa tunaninsa, Hussaini bin Hasan ya siffanta shi da taƙawa da zuhdu da ƙasƙantar da kai da ibada. Har ila yau, kamar yadda Abdulmalik Husi ya ce, Badarul-din ya san kur'ani mai girma, kuma bawa alƙur'ani mai girma muhimmanci ne yasa ake kiransa da faƙihul-ƙur'an.

Rubuce-rubuce

Asalin Maqala: Fihirisar Rubuce-rubucen Al-Husi

Badarul-din al-Husi yana da ayyuka da dama, waɗanda adadinsu ya kai kusan littafi 100. A cikin littafinsa akwai al-Taisir fi al-Tafseer, yayi amfani da hanyar tafsirin Ƙur'ani da Ƙur'ani da tafsirin ƙur'ani da ruwaya bisa hadisai na Annabi (SAWW) da Imam Ali (AS), ya sharhi mai tsayi da bincike mai zurfi kan hadisin kashe Ammar Yasir da ‘yan ta’adda suka yi a cikin littafin Al-Majmu’ul-Wafiyyah fil-Fee'a tul-Bagiyyya.

Ya rubuta littafan Fadaiul-Muhammad (amincin Allah ya tabbata a gare shi), wanda ake kira da ahadis Mukhtara fi Fadail alul-Bait da Al-Muhammad Liyasu Kulu al-Umma da Ayat al-Mawada, game da Ahlul Baiti. An buga ayyukansa da littattafan sa na raddi kan Wahabiyanci a cikin tarin littafin Al-Salsila Al-zahabiyyah fi rad ala Al-Wahhabiyyah.

Tarihin Rayuwa

An haife shi 17 Jumada al-Auwal shekara ta 1345 bayan hijira a garin Dahyan na ƙasar Yaman, kuma ya girma a garin Sa'ada wadda ita ce babbar cibiyar Zaidiyyah a ƙasar Yaman, nasabar sa tana kowa ga hasan musanna ɗan imam hasan, nasabar sauran mutan garin Sa'ada yana komawa ne ga Hussein ɗan Muhammad wanda ya yi hijira daga birnin Hus zuwa Dahyan.

Matakin Karatu

Badrud-Dini Al-Husi ya yi karatunsa a Sa'ada tare da mahaifinsa Amirud-Dini Hussein Al-Husi (ya rasu: 1394 Hijiriyya) da kawunsa Hassan bin Hussein Husi (ya rasu: 1388 AH). Ya kuma amfana sosai da Abdul Aziz Ghalibi da Yahya bin Hussein Husi. Badaruddin ya sami iznin ijtihadi daga wasu malamai, waɗanda sunayensu ya zo a cikin littafin Miftahu'asanid na Al-Zaidiyya.

Rasuwa

Badrud-Dini tare da `ya`yansa da kuma shugabannin Ansarullahi

Badruddin Husi ya mutu a ƙarshen shekara ta 2010. mutan husi sun ce dalilin mutuwarsa shine cutar hunhu. Ƙungiyar Al-ƙa'ida a Yemen ta yi iƙirarin kashe shi a wani farmaki da ta kai, wasu kafafen yaɗa labaran duniya ba su amince da iƙirarin kashe Badruddin a hannun kungiyar alƙa'ida ba.

`Ya`yansa

Wasu rahotanni sun ce, Badaruddin Husi yana da mata hudu. kuma yana da ‘ya’ya mata bakwai da maza 13. yara mazan sune Hussein, Yahya, Abdul ƙadir, Muhammad, Ahmad, Hamid, Amirud_Din, Ibrahim, Abdul Malik, Ali ,Abdul Khaliƙ , AbduS-Salam da Najmud-din, An kashe Husaini, wanda ya kafa ƙungiyar Ansarullah ta Yaman, da Abdulƙadir da Ali a yaƙi, kuma an kashe Ibrahim a wani kai hari. Abdul Malik kuma shi ne shugaban ƙungiyar Ansarullah ta ƙasar Yemen na uku a halin yanzu.

Nassoshi

• «الیمن: الحوثیون ینعون شقیق زعیمهم بعد تعرضه للاغتیال»، وبگاه فرانس۲۴، تاریخ درج مطلب: ۱۸ مرداد ۱۳۹۸ش، تاریخ بازدید: ۱۷ دی ۱۴۰۲ش.
• «العلامه بدرالدین الحوثی.. انموذج للعالم المسلم و دوره تجاه دینه و امته»، خبرگزاری صبانت، تاریخ درج مطلب: ۲۳ تیر ۱۴۰۲ش، تاریخ بازدید: ۳ دی ۱۴۰۲ش.
• «السلسلة الذهبیه فی الرد علی الوهابیه ج۱.. للسید العلامة المجاهد بدرالدین بن امیرالدین الحوثی»، وبگاه المجلس الزیدی الاسلامی، تاریخ بازدید: ۱۷ دی ۱۴۰۲ش.
• «السید العلامه بدرالدین بن امیرالدین الحوثی»، وبگاه رابطة علماء الیمن، تاریخ درج مطلب: ۱۲ شهریور ۱۳۹۷ش، تاریخ بازدید: ۵ دی ۱۴۰۲ش.
• وجیه، عبدالسلام، أعلام المؤلفین الزیدیة، امان، مؤسسه فرهنگی امام زید بن علی، چاپ اول، ۱۴۲۰ق.یه فی الیمن]»، وبگاه شبکه خبری العالم، ۴ آذر ۱۳۸۹ش، تاریخ بازدید: ۴ دی ۱۴۰۲ش.