Ali Bn Abi Rafi'i
| Cikakken Suna | Ali Bn Abi Rafi'i |
|---|---|
| Dangi | Abu Rafi'i (Uba) Ubaidullahi (Dan uwa) |
| Daga Sahabbai | Na Imam Ali (A.S) |
| Ayyuka | Marubuci kuma ma'aji a lokacin halifancin Imam Ali (A.S). Ya je yakin Jamal, siffin da naharawan |
| Rubuce-rubuce | Wani Littafi Na Fikihu |
Ali Ɗan Abi Rafi'i (Larabci: علي بن أبي رافع) marubuci ne kuma mai kula da baitulmali a zamanin halifancin Imam Ali (A.S) mahaifinsa Abu Rafi'i sanannan sahabin Manzon Allah (S.A.W) ne kuma dan uwan Ubaidullahi Bin Abi Rafi'i.[1]
Ali Bn Rafi'i tabi'i ne kuma ɗaya daga mabiyan Imam Ali (A.S), a faɗar Sayyid Muhsin Amin yana daga cikin waɗanda suka halarci yaƙin Jamal, Siffin da Nahrawan a cikin tawagar Imam Ali (A.S),[2] haka nan Sayyid Muhsin Amin yana ganin shi ne mutum na fako da ya fara rubuta littafi kan fiƙihu.[3] Ahmad Bin Ali Malamin shi'a masanin Rijal ya ce , littafinsa ya ƙunshi babun Alwala da sallah, da sauran mas'alolin fiƙihu.[4] A cewar Sayyid Muhsin Amin yana daga cikin manyan ƴanshi'a da suka san fiƙihu kuma ya koya ne a gun Imam Ali (A.S).[5]
Ali bin Abi Rafi'i shi ne marubucin Imam Ali (A.S) kuma ya kasance mai kula da baitulmali a zamaninsa. Kamar yanda aka rawaito daga gare shi, a lokacin da yake aiki a ma'ajinyar kuɗi zamanin Imam Ali (A.S) bisa buƙutar wata yarinya daga yaran Imam Ali (A.S) ya bata aron wata sarƙar wuya, saboda za tai amfani da ita a bikin babbar sallah, wadda tana daga cikin ganimar Yaƙin Jamal, A lokacin da imam Ali ya samu labari , sai ya kira Ibn Abi Rafi'i ya ce da shi ya mayar da abin wuyan Baitulmali, idan kuma ya maimaita hakan za a hukunta shi. Ya kuma ce da ace ƴata bata bada wani abu jingina ba ta karɓi abin wuyan, da ita ce macen Hashimawa ta farko da za'a fara hukuntawa.[6] An kawo wannan ruwayar a cikin bahasin aron abu daga baitul-mali cikin a littattafan fiƙihu.
Ku Duba Masu Alaƙa
Bayanin kula
- ↑ Najashi, Rijal, 1397 AH, shafi na 4.
- ↑ Amin, Ayan al-Shia, 1406 AH, juzu'i na 8, shafi na 151.
- ↑ Amin, Ayan al-Shia, 1406 AH, juzu'i na 8, shafi na 151.
- ↑ Najashi, Rizal, 1397 AH, shafi na 5.
- ↑ Amin, Ayan al-Shia, 1406 AH, juzu'i na 8, shafi na 151.
- ↑ Tusi, Tahzeeb al-Ahkam, 1407 AH, juzu'i na 10, shafi na 151.
Nassoshi
- Amin, Mohsen, Eyyan al-Shi'a, Beirut, Dar al-Taraif, 1406 AH/1986 AD.
- Sheikh Tusi, Muhammad bin Hasan, Tehzeb al-Ahkam, bincike na Hasan Mousavi Khorsan, Dar al-Kitab al-Islamiya, Tehran, 1407H.
- Najashi, Ahmad bin Ali, Rajal, Kum, Al-Davari School, 1397 AH.