Ikfat

Risala Ilmiyya

Ikfat (arabic: الإخفات) shi ne yin karatun sallah da zikiri ƙasa-ƙasa kamar misalin raɗa Kunne, ba’arin zikirin cikin sallah misalin Tasbihatul Arba’a da Fatiha da sura ana yin su a cikin Sallar Azuhru da La’asar ƙasa-ƙasa kamar misalin raɗa a kan Kunne, Mustahabbi ne yin Ikfat a sallolin Nafila na kullum, haka zalika ya halasta a yi Ikfat a wurare misalin sallar Aya

Sanin Mafhum

Ikfat kishiyar Jaharu (bayyanar da karatu) ma’ana karatu da zikiri ƙasa-ƙasa kamar misalin raɗa a Kunne, an yi bahasin wannan kalma ta Ikfat a cikin litattafan fikihu, wasu jama’a daga Malaman fikihu suna ganin ma’aunin tantance Ikfat shi ne rashin fitar gundarin Sauti. ayyana Ikfat yana hannun Urfi (mutane).

Wuraren Da Ikfat Yake Zama Wajibi

A wuraren da bayaninsu zai zo a ƙasa wajibi ne a yi karatu da zikirin sallah ƙasa-ƙasa kamar misalin raɗa a Kunne

• Fatiha da sura cikin Sallar Azuhur da La’asar banda sallar Azuhur ta ranar Juma’a.
• Tasbihat Arba’a cikin sallolin Azuhur, La’asar, Magariba da Isha’i.
• lokacin sallar Jam’i a bayan Liman.
• Sallar Mace yayin da wanda ba Muharriminta ba zai iya jin sautinta tare da kuma tsoron faruwar ɓarna.
• karatun Suratu Hamdu a sallar Ihtiyadi.
• bisa fatawar Aksarin Maraji’an Taƙlidi rashin kiyaye Ikfat yana ɓata sallah, na’am idan ya kasance sakamakon mantuwa ko rashin sani sallah bata ɓaci.

Wuraren Da Ya Halasta Da Kuma Kasancewarsa Mustahabbi

Ikfat yana kasance Mustahabbi a wuraren da za su zo a ƙasa kamar haka:

• cikin sallolin mustahabbi da ake yin su a kullum.
• zikirin A’uzubillahi Minal Shaiɗanil rajeem kafin fara karatun Fatiha da sura.

Haka kuma Ikfat ana kirga shi a halas a wuraren da za su zo a ƙasa Mai sallah zai iya bayyana karatu ko kuma yi ƙasa-ƙasa kamar misalin mai yin raɗa:

• Fatiha da Sura a cikin Sallolin Asubahi, Magariba, Isha’i amma fa ga mata kaɗai tare da sharaɗin cewa wanda ba muharraminta ba ba zai ji sautinta ba.
• zikirin da ake yi cikin sallah amma banda Fatiha da sura da Tasbihatul Arba’a.
• Sallar Aya da sallar ɗawafi.

Hikimar Jaharu Da Ikfat

Kan asasin wani hadisi da ya zo a cikin littafin Ilalul Ash-Shara’i dangane da illar Jaharu da Ikfat cikin karatun sallah, an nakalto cewa Sallolin Asubahi, Magariba da Isha’i ana yin su cikin duhu ne da wannan dalili ne ake bayyana karatunsu saboda mutane su san cewa lokacin sallah ya yi su haɗu su yi ta a cikin jam’i, amma a cikin sallolin Azuhur da la’asar kasancewar ana yin su cikin hasken rana za a ga mai sallah a fili a sarari babu buƙatar bayyana karatu. wannan sunna ta cigaba duk da cewa yanzu Masallatai ana sanya musu fitilun Lantarki.