Jump to content

Naman Da Ya Haramta A Ci

Daga wikishia


Naman da ya haramta (Larabci:اللحوم المحرمة) shi ne naman dabbobin da aka haramtawa musulmi, a fiƙihun musulinci an haramta cin naman dabbobi da yawa, da wasu halittun cikin ruwa da wasu daga cikin tsuntsaye. A cikin nassosin Musulunci, an raba abubuwan da suke haramun zuwa kashi biyu: haramci na asali da wanda yake haramun ne sabo da wani dalili. daga cikin dabbobin da suke rayuwa a doran ƙasa, irin namin dajin da suke cin mutane wato masu kai wa mutane hari domin su cinye su da dabbar da take jan ciki da duk dabbar da aka taɓa jirkita halittarta zuwa mutane, kamar biri, da wasu ba'arin kwari, da tsintsayan da suke da farce, duk haramin. Haka nan duk dabbobin da suke rayuwa a ruwa haramin in banda kifi wanda yake da ɓawo a jikinshi.

Duk abin da aka yi daga dabbar da take haramin ne cin namanta, kamar su fata da abubuwan da likitoci suke anfani da shi a wajan aikin su, da kayan kwalliya idan ya zama ita dabbar an yankata yankan muslunci ta ta tsarkaka haka abubuwa da aka yi daga jikinta, za iya anfani da su babu matsala a fikihu sai dai kawai ba za iya yin da sallah da sassan jikinta suba.

Abin Nufi Daga Abin da Aka haramta

Dabbobin da aka haramtawa musulmi ana kiransu da dabbobin da ba a cin namansu, kuma a fiƙihu an kasa su gida biyu, waɗanda suka haramta a asali da waɗanda suka haramata sab da wani dalili.[1] Kashi na farko wanda ya ƙunshi dabbobin da suka haramta a asali kamar Zomo, amma shi kashi na biyu waɗanda basu haramta ba a asali a asali halas ne, amma sun haramta sakamakon wani dalili da ya faru, kamar idan dabba ta ci najasa, ko rashin yanka.[2] Kur'ani bayanin dabbobin da suka haramta musulmi ya ci, lokacin da yake bayani kan abinci da ya haramta a cikin suratul Baƙara da Ma'ida da Nahli da An'am.[3]

Nau'ukan Naman Da Suka Haramta

A fikihun Shi'a an haramta cin nama da dama daga namun daji da dabbobin ruwa da tsuntsaye .[4]

Dabbobin Da Suke Rayuwa A Doran ƙasa

Daga cikin dabbobin da suke rayuwa a doran ƙasa an haramta duk dabbar da take cin mutane ko dabbar da take farautar abin da za ta ci, kamar Damusa da Dubbi da kuma duk dabbar da take jan ciki, kamar maciji da ƙwari, kamar ƙuda da gizo-gizo, da ɓeraye da kunama irin wacce take gida a ƙarƙashin ƙasa, da duk dabbar da aka taɓa jirkta halittar ta zuwa mutum kamar misalin Giwa.[5] Amma daga cikin ƙwari an togace Fara, Fara ba haramin ba ce, sai dai kuma da sharaɗn a kamata a raye ta kasance ta mutu a hannu, amma da za a same ta a mace, bai kamata a ci ta ba.[6]

Dabbobin Cikin Ruwa

Ku duba: Kifaye Masu Ɓawo a Jiki A mahangar Shi'a, duk dabbar ruwa haramun ce in banda kifayen da suke da ɓawo.[7] Kuma wasu daga cikin Ahlus-Sunna kamar Malikiya da Hanbali suna ganin dukkan abin da yake cikin ruwa naman shi ya halasta.[8]

Tsintsaye

Malaman fiƙihu na Shi'a sun kasa naman da ya haramta zuwa gida uku, Tsintsaye da suke da dogon farce da tsintsaye da aka jirkita halittarsu, da Al-kaba'is su ne tsuntsaye da mutum a al-ada ba ya cinsu, amma su masu dogon farce sune kamar Shaho da Gaggafa da Mikiya. amma Ɗawisu da Jemage da Tururowa ance su a jirkita halittarsu, amma su al-kaba'isu su ne a ɗabi'ar mutum ba ya cin irinsu kuma ya tsani ya ci ira-iransu.[9] A wasu littatafai na fiƙihu an anbaci cewa ƙuda da sauro suna daga cikin Al-kab'isu.[10]

Dabbobin Da Suka Haramta Sabo da Wani Dalili

Dabbobin da suke halas ne cin su zai yi wu su zamo haramin idan wasu sharuɗɗa suka tabbata a gurin malaman Shi'a, sabo da haka dabbobin da suke halal waɗanda ba a yanka su ba, da dabbar da take cin najasa da kuma dabbar da ɗan Adam ya sadu da ita, duk za su zamo harami.[11]

Haramcin Da Wasu Sassan Jikin Dabbobin Da Aka Haramta

bisa fikihun Shi'a, cin naman dabbobin da aka haramta, da duk wani amfani da su wajen shirya abinci, haramun ne[12] haka nan cin ƙwai da shan madarar su haramun ne[13]

Halasci Anfani Da Sassan Dabbobin Da Suke Halal

Malaman fiƙihu na Shi'a sun halasta yin anfani da wani sassa na dabbobin da namansu bai halasta ba, idan ya zama ba ci za a yi ba, amma da sharaɗin a yanka, wato ya zamo an yanka su ta hanyar shari'a.

Tufafi

Ya halasta ayi anfani da wani yanki ko ɓarayi na dabbobin da bai halasta aci naman ba wajen yin tufafi, amma banda Kare da Alade, amma ya zama an yanka su kafin a yi anfani da su. kazalika za iya anfani da duk wani abu da aka yi daga gare su kamar Buzu,[14] amma fa duk da ya halsta ayi anfani da abin da aka yi daga jikinsu da sharaɗin yank asu, to amma fa bai halasta ba amfani da fatar su sa'ad da mutum zai yi sallah, domin sanya su a lokacin sallah yana ɓata sallah.[15]

Wasu malamai sun yi fatawa da cewa abin da aka san'anta daga dabbobin da bai halasta aci naman su ba najasa ne,kuma bai halasta ba ayi anfani da su dabbobin da ba'aci ba batare da anyankasu ba.[16]

Anfani Sassan Jikin Dabbobin Da Suka Haramta Domin Magani Ko Kayan Kwalliya

Malaman Shi'a sunyi fatawa ta halascin anfani da kayan da ake anfani da su a asibiti da kayan kwalliya da mai na shafawa da abin da ya yi kama da su, waɗanda aka yi su daga dabbobin da bai halatta aci namansu ba, mutiƙar an yankasu.[17] amma duk lokacin da ba a yanka irin waɗanna dabbobin da bai halasta aci namansu ba, to bai halasta a sa su ba ko anfani da su ba a yayin sallah, domin bai halasta ba, saboda najasa ne, kuma dole ne idan mutum ya taɓa su ko suka taɓa jikinshi ya tsarkake jikin shi kafin sallah.[18]

Wasu daga cikin malamai sun halasta abubuwan da ake anfani da su a asibiti ko kuma abin da ake ci, waɗanda aka yi su daga dabbobin da bai halasta ba aci namanasu ba, kuma ba tare da an yanka su kamar ƙashi, duk ya halasta ayi anfani da su, amma idan ya zamo su abubuwan yayin da ake yinsu sun canza zuwa wani abu daban, wanna shi ne a fiƙihu ake kira da ɗahara ta hanyar Istihala, sabo da haka idan hakan ya tabbata, to waɗanna abubuwan sun tsarkaka kuma ya halasta ayi anfani da su kuma ya halasta aci.[19]

Hukuncin Tsarki Da Najasar Sassan Dabbobin Da Bai Halasta A ci Naman Su Ba

Bisa abin da yake cikin litattafan Fikihu na Shi'a gaɓoɓi na dabbobin da bai halasta ba aci namansu ba, za su zamo masu tsarki idan ya zamo an yanka su.[20] Amma idan ya zamo ba a yanka su ba kuma ya zamo suna daga cikin dabbobin da idan an yanka su jini yana kwarara da karfi to za su zamo najasa kuma bai halasta ba ayi anfani da su.[21]

Najasar Fitsari Da Kashi

Fitsari da bayan gida na dabbobin da ba a cin namansu waɗanda sa'ad da aka yanka su jininsu yana kwarara najasa ne.[22]


Hani A lokacin Sallah

Bai halasta ba cikin tufafin mai sallaha ya zamanto akwai wani sashe daga dabbar da bai halasta aci namanata ba, kuma idan aka yanka ta jini yana kwarara, ko da kuwa an yanka, sabo da haka gashin dabbar da ba a ci idan mutum ya yi sallah sanye da shi sallar ta ɓaci.[23]

Bayanin kula

  1. ↑ Hashemi Shahroudi, Farhang Fiqh, 2007, juzu'i na 2, shafi na 255.
  2. ↑ Hashemi Shahroudi, Farhang Fiqh, 2007, juzu'i na 2, shafi na 255.
  3. ↑ Suratul Baqarah, aya ta 173; Suratul Ma'idah, aya ta 3; Suratul An'am, aya ta 145; Suratul Nahl, aya ta:115.
  4. ↑ Hashemi Shahroudi, Farhang Fiqh, 2007, juzu'i na 2, shafi na 255.
  5. ↑ Hashemi Shahroudi, Farhang Fiqh, 2007, juzu'i na 3, shafi.408.
  6. ↑ Hali, Shar’i al-Islam, juzu’i na 4, shafi na 742; Najafi, Jawahirul Kalam, 1362https://makarem.ir/ahkam/ru/home/istifta/251495/
  7. ↑ Hashemi Shahroudi, Farhang Fiqh, 2007, juzu'i na 3, shafi.408.
  8. ↑ «حکم خوردن گوشت خرچنگ و ماهی مرکب»،Shafin yanar giza gizo ta Sunni Online
  9. ↑ Hashemi Shahroudi, Farhang Fiqh, 2007, juzu'i na 3, shafi.422.
  10. ↑ Najafi, Jawahirul Kalam, 1404 AH, juzu'i na 36, ​​shafi na 319.
  11. ↑ Hashemi Shahroudi, Farhang Fiqh, 2007, juzu'i na 3, shafi.408.
  12. ↑ Hashemi Shahroudi, Farhang Fiqh, 2004, juzu'i na 2, shafi na 255;
  13. ↑ [http://portal.anhar.ir/node/17219/?ref=sbttl#gsc.tab=0
  14. ↑ Hashemi Shahroudi, Farhang Fiqh, 2004, juzu'i na 2, shafi.427.
  15. ↑ Imam Khumaini, Tauzihul Masa'il, 1426H, shafi na 184.
  16. ↑ Hashemi Shahroudi, Farhang Fiqh, 2004, juzu'i na 2, shafi na 280.
  17. ↑ «استفتاء از آیت‌الله سیستانی درباره استفاده از داروهای فراوری شده از حیوانات حرام‌گوشت»Portal Anhar
  18. ↑ «استفتاء از آیت الله مکارم شیرازی درباره استفاده از ژلاتین، مواد دارویی و آرایشی فراوری‌شده از حیوانات حرام‌گوشت تذکیه‌نشده»، Portal Anhar
  19. ↑ «حکم استفاده از مواد دارویی فراوری‌شده از حیوانات حرام‌گوشت تذکیه‌نشده»، Portal Anhar
  20. ↑ Hashemi Shahroudi, Farhang Fiqh, 2004, juzu'i na 2, 426 da 427.
  21. ↑ سیستانی، رساله توضیح المسائل، مسأله ۹۶، Shafin yanar giza gizo na Ayatullahi Sistani
  22. ↑ السيستاني، المسائل المنتخبة، أحكام النجاسة،Shafin yanar giza gizo mai rijista na Ayatullahi Sistani
  23. ↑ Al-hashimi Shahrudi, Farhange Fiqihe, 1378 kalandar Farsi, J 2 Sh 280.

Nassoshi

  • Imam Khumaini, Sayyid Ruhollah, Tauzihul Al-Masa'il, bincike: Muslim Qolipour Gilani, bugun farko, 1426H.
  • Najafi, Sheikh Mohammad Hasan, Jawaher al-Kalam fi Sharh Shariah al-Islam, edita kuma yayi bincike: Mahmoud Quchani, Beirut, Darahiya al-Tarath al-Arabi, bugu na 7, 1981.

Najafi, Sheikh Mohammad Hasan, Jawaher al-Kalam fi Sharh Shariah al-Islam, edita kuma yayi bincike: Mahmoud Quchani, Beirut, Darahiya al-Tarath al-Arabi, bugu na 7, 1981.

Daga "https://ha.wikishia.net/w/index.php?title=Naman_Da_Ya_Haramta_A_Ci&oldid=18677"