Jump to content

Tattakin Arba'in

Daga wikishia
Domin Sauran shafukan ku duba Arba'in (Ƙarin bayani).
Hotan Tattakin Arba'in na shekarar 1970 miladiyya

Muzaharar Arba'in, (Larabci مسيرة الأربعين) ko Tattakin Arba'in, wata al'ada ce ta Shi'a da ake yi a ranekun ƙarshen safar kusa da 20 ga watan (Arbain Hussaini). Ana gudanar da wannan tattaki ne daga sassa daban-daban na ƙasar Iraƙi da wasu garuruwan Iran zuwa Karbala da nufin gudanar ziyarar Arba'in. Yawancin masu ziyarar suna zuwa garin Karbala ne daga garin Najaf. A kan hanyoyin ziyarar akwai wuraren tarbar maziyarta, waɗanda ake kira da maukibi.

A lokacin mulkin Saddam Hussaini, an sanya takunkumi kan gudanar da wannan tattaki, amma bayan rugujewar hizbul ba'as Iraƙi a shekara ta 2003, aka sake farfaɗo da wannan tattaki kuma a duk shekara, bayan `yan Shi'ar Iraƙi, `yan shi'ar wasu ƙasashe, musamman Iran. suna zuwa muzaharar Arba'in. Rahotanni sun ce baya ga `yan Shi’a, kungiyoyin Ahlus-Sunna, Kiristoci, Yazdi da sauran addinai su ma suna halartar muzaharar ta Arbaeen.

A cikin `yan shekarun nan, miliyoyin mutane ne ke halartar wannan tattakin; Ta yadda aka san wannan taron a matsayin babban taron addini na shekara-shekara a duniya. Game da adadin waɗanda suke halartar wannan tattakin, an bayyana al-ƙaluma tsakanin mutane miliyan goma sha biyu zuwa miliyan ashirin.

Imam Hassan Askari (A.S): Alamomin mumini guda biyar ne:

  • Sallar raka'a 51 raka 17 na farali raka 34 nafilfilin dare da rana.
  • Ziyarar Arba'in.
  • Sanya zobe a hannun dama.
  • Dora goshi kan kasa yayin sujjada.
  • Bayyanar da karatun bismilla

[1]

Asalin Samuwar Tattakin Arba'in

Tushen Maƙala: Ziyaratu Arba'in

A bisa wani hadisi daga Imam Hasan Askari (A.S) ya bayyana tattakin Arba'in a matsayin ɗaya daga cikin alamomin Mumini[2] Wasu ba'arin malamai sun bayyana wannan hadisi a matsayin ɗaya daga hujjojin tattakin Arbaeen,[3] Allama Majlisi ya ce game da darajar mustahabb na Arba'in cewa duk da cewa sanannen ra'ayi tsakanin malamai shi ne dalilin Mustabancin shi ne dawowar fursunan Karbala zuwa Karbala da Imam Sajjad (A.S) ya kawo kawunan waɗanda aka kashe ga ka riskar da su da jikkunansu. Amma batun dawowar fursunoni zuwa Karbala a cikin Arba'in na farko ba shi da abu ne mai wahalar gaske ace ya inganta; saboda haka, wataƙila dalilin mustahabbin ziyarar Arba'in shi ne ziyarar Jabir Bin Abdullahi Ansari a matsayin mai ziyara na farko ga kabarin Imam Husaini (A.S) da kuma 'yantar da fursunan Karbala daga bauta da kurkuku a wannan rana.[4]

Haka nan An karɓo ziyara daga Imam Sadik (A.S) musammam game da da Arba'in[5] Shaikh Ɗusi a cikin Tahzibul Ahkam[6] da Misbahul Mutahajjid[7] da Sheikh Abbas ƙummi a cikin Mafatihul Jinan[8] sun rawaito "Ziyarat" Arbaeen a littattafan su.

Taƙaitaccen Tarihi

Masu Tattaki kan hanyarsu zuwa karbala

Kamar yadda wasu masu bincike suka yi nuni da cewa, tattakin ranar Arba'in ya zama sanan ne tsakanin `yan Shi'a tun zamanin Imamai Ma'asumai (A.S). Sayyid Muhammad Ali Ƙazi Tabataba'i, a cikin littafinsa yayi bincike kan tattakin Arba'in na farko da aka farayi zuwa ga Sayyidush-Shuhada, ya bayyana ziyarar Imam Husaini a ranar Arba'in a matsayin Al'amari mai muhimmanci da ƴan Shi'a sukeyi tun zamanin Imamai, wanda suka yi riƙo da shi har a zamanin, Banu Umayya da Banu Abbas.[9]

An ce al'adar tattaki ta zama ruwan dare a zamanin Shaikh Ansari (1214-1281H) kuma malamai da dama sun tafi Karbala da ƙafa. Amma wannan al'ada an manta da ita a zamanin Mirza Hussaini Nuri, sai dai ya yi ƙaƙari ya farfaɗo da ita. Muhaddis Nuri ya yi tattaki daga Najaf zuwa Karbala tare da ɗalibansa da sahabbansa na tsawon kwanaki uku.[10] Mawallafin littafin Adabuɗ-ɗuf a wani rahoto da ya bayar kan tattakin Arba'in , ya kwatanta yawan mutanan da suka halarci taron da aka yi da taro na Musulman Makka da kuma halartar tawagogi daban daban daga garare masu yawa, ya ambaci cewa a cikinsu wasu sun rera waƙoƙin yarukan Turkanci da Larabci da Farsi da Urdu. An buga Adabuɗ-ɗuf a shekara ta 1967/1388 bayan hijira kuma marubucin littafin ya ƙiyasta adadin maziyarta Arba'in ya kai sama da mutane miliyan ɗaya.[11]

Hana Tattakin Arba'in A Zamanin Saddam Husaini

A yayin tattakin Arbaeen na shekarar 2013, an gudanar da sallar jam'i mai tsawon kilomita 30 a kan hanyar Najaf zuwa Karbala, kuma dubban Masu ziyara ne suka halarta.

[12]

A ƙarshen ƙarni na 14, waɗanda ake kira da hizbu Ba'as a Iraƙi sunyi adawa da tattakin Arba'in, kuma a wasu lokuta ana muzgunawa masu tafiyar ta hanyoyi mabanbanta, Wannan batu ya sa yawan mutane ya ragu. An ce Ayatullah Sayyid Muhammad Sadar ya ayyana wajibcin tafiya zuwa tattakin zuwa Karbala a wancen lokacin.[13] Kuma ga wasu malamai kamar Allama Askari, Sayyid Muhammad Hussain Fadlullah waɗanda suka tsere daga Iraƙi, an kuma yanke musu hukuncin kisa cikin rashinsa.

Intifadatul Arba'in

Tushen Maƙala: Intifadatu Safar Fil Iraƙ

A shekarar 1977 miladi, hizbul ba'az Iraƙ, sun sanar da hana shirya dauk wani taro na addini wanda ya hada da tattakin arba'in da maukibobin hidima ga amasu ziyara.[14] Amma mutanen Najaf a ranar 15 ga Safar na wannan shekara sun shirya gudanar da tattaki zuwa Karbala. Wannan yunƙuri ya gamu da martanin gwamnatin Sadam Hussaini inda aka kashe wasu daga cikin mutanen sannan aka tsare wasu.[15] Sayyid Muhammad Baƙir Hakim yana cikin mutane aka kama a wannan tattaki tare da yanki masa hukunci ɗaurin rai da rai.[16] Kuma ga wasu malamai kamar Allama Askari, Sayyid Muhammad Hussaini Fadlullah waɗanda suka tsere daga Iraƙi, an kuma yanke musu hukuncin kisa. duk da sun gudu.[17]

Ayatullahi Khamna'i: “Wani al’amari na musamman da ba a taba ganin irinsa ba a shekarun baya-bayan nan, shi wannan tattaki ... zuwa Karbala. Wannan yunkuri shi ne motsi na soyayya da imani. Haka nan muna kallon wannan yunkuri daga nesa, muna kuma burin samun irin rabon wadanda suka sami wannan nasarar suka aiwatar da wannan yunkuri.

[18]

Ƙarin Yawan Maziyartan Tattakin Arba'in

Bayan faɗuwar hizbu ba'as ta Iraƙi a shekara ta 2003, an sake farfaɗo da tattakin Arba'in a ƙasar Iraƙi, a kowace shekara mutane fiye da na shekarar da ta gabata ne ke shiga cikin tafiyar.[19] A cikin shekarun da suka biyo baya, adadin maziyartan da suka halarci wannan muzaharar ya kai sama da mutane miliyan goma;[20] ta yadda ake ɗaukarsa a matsayin ɗaya daga cikin manya-manyan jerin gwano ko tarukan addini na duniya.[21]

A shekara ta 1395H (2016 miladiyya) hubbaran Sayyiduna Abbas (A.S) suka sanar a cikin wata sanarwa cewa a cikin kwanaki goma sha uku da suka rage zuwa Arba'in (wato daga 7 Safar zuwa 20 Safar) fiye da mutane miliyan goma sha ɗaya da dubu dari biyu ne suka shiga Karbala.[22] A shekara ta 1397 H. (2018) Hukumar hubbaran Imam Hussain (A.S) sun sanar a cikin wata sanarwa cewa a cikin kwanaki goma da suka rage zuwa Arba'in (daga 10 zuwa 20 Safar), fiye da mutane miliyan goma sha daya da dubu dari takwas da hamsin ne suka shiga garin daga manyan ƙofofin Karbala. Waɗanda suka shigo Karbala daga ƙananun tituna ko kuma ba su shiga tsakiyar birnin ba saboda wani dalili (wani yanki mai nisan kilomita uku daga wurin haramin) ba a kidaya su a cikin wannan kididdigar ba dan haka maziyartan zasufi adadin da aka faɗa.[23] Dangane da yawan maziyartan an kawo wata ƙidayar a gidajen yanar gizo da kafafen yaɗa labarai, Wasu rahotanni sun sanar da halartar maziyarta ‘yan Shi’a miliyan 15 a wannan muzaharar.[24]

A shekara ta 1401 AH/1444, wacce ita ce shekara ta farko ba tare da takurar da aka shiga a corona ba, bayan wasu ‘yan shekarun da aka yi fama da annobar corona ɗin, kamfanin dillancin labarai ya sanar da adadin maziyarta zuwa Karbala sama da miliyan 21.[25]

Maziyartan `Yan ƙasashen Waje

Ƙididdigar ma'aikatar harkokin cikin gida ta ƙasar Iraki ta nuna cewa a shekarar 2018 akalla maziyarta ƴan ƙasashen waje miliyan ɗaya da dubu 300 ne suka zo ƙasar Iraƙi dan su halarci muzaharar Arba'in,[26] A ƙididdigar da gomnatin iraƙi tayi ashekara ta 2018 yawan mutanan yakai miliyan ɗaya da 800[27] A shekarata 2022 yawan maziyartan ƴan ƙasar waje ya kai miliyan biyar,[28] Daga cikin wannan adadi, mutane miliyan uku da dubu dari biyar Iraniyawa ne.[29] Ƙididdigar Adadin MahalartaTattakin Arba'in Daga 2010-2025[Tsokaci 1]

Yanayi Da Nisan Hanya

Hanyar Tattakn Arba'in a Kasar Iraki

Maziyartan ƙasar Iraƙi na tashi daga garuruwansu zuwa Karbala; Amma mafi yawan maziyartan da suke daga Iran da wasu ƴan ƙasashen masubi ta cikin Iran suna zaɓar hanyar Najaf zuwa Karbala don tattaki.Tayin tafiya a kan babbar hanyar yanada nisan kusan kilomita 80, wanda yawanci yana ɗaukar kwanaki biyu zuwa uku. Akwai ginshiƙai(maukibi na saukar baƙi) ko tanti 1452 akan hanyar Najaf zuwa Karbala.[32] Mutanen da suka shiga Iraƙ ta hanyar Iran suna zaɓar hanyar tafiya daga Najaf zuwa Karbala. Tafiyar akan babban hanya tana da nisan kimanin kilomita 80 kuma yawanci ana kammala shi cikin kwanaki biyu zuwa uku. Akwai tsaran amudi guda 1452 a hanyar daga Najaf zuwa Karbala.[33]

Har ila yau, akwai wata hanyar daga Najaf zuwa Karbala, wadda aka fi sani da "Ɗariƙul-furat" , wasu maziyarta Arba'in suna isa Karbala ta wannan hanya. Hanyar ta ratsa ta cikin tsaunukan da ke gaban kogin Furat kuma nisanta ya kai kilomita 89. A da can malaman Najaf sun kasance suna bin wannan hanya a lokacin Arba'in. Ɗaya daga cikin dalilan amfani da wannan hanya da malamai suka yi shi ne haramcin da aka yi a lokacin sadam husaini na tafiya Arba'in da kuma tattaki.[34]

Tattakin Daga Garuruwan Iran

Wani ɓangare na masu ziyara suna farawa daga garuruwan Iran. ana kiransu da sunan (Mashay'a Al Ahwaz) suna farawa daga Ahwaz kuma a hanya mutanen garuruwa da ƙauyuka daban-daban suna haɗewa da su.[35] Yawan mutanen wannan karamin ayari wanda ke farawa daga biyar na watan Safar, yakan kai fiye da mutum dubu arba'in a wasu lokutan.[36]

Wani ɓangare na mutane daga wasu yankuna na Iran kamar wasu garuruwan lardin Bushehr a Iran suma suna yin tafiya zuwa Karbala.[37]

Ɗabi'u Da Al'adu

Tattakinr Arba'in a Iraƙi tana tare al'adu da dabi'u masu yawa mabanbanta, ciki har da rera waƙoƙi da hidima ga maziyarta da makiyayan gefan kogin Furat suke yi.

Waƙar Husekhani: Ɗaya daga cikin al'adun Iraƙi a kan hanyar zuwa Karbala a ranar Arba'in , Huse waƙoƙi ne da ƙasidu na musamman na ƙabilun Larabawa a kudancin Iraƙi. Waɗannan waƙoƙi suna bayyana jarumtaka da girma , kuma ana amfani da su ne don zaburar da mazaje zuwa ga yin aiki tuƙuru, . Bayan mawaƙin ya karanta, masu sauraro ma zasu dinga maimaita wa sai suyi zagaye cikin da'ira.[38]

Farkon fara taron: Ya rage fara gudanar da zaman makokin Arba'in da kwana biyar tare da isowar jerin gwano da maziyarta ake fara ƙasidun huse, Bayan haka za'a gabatar da ƙungiyoyin hidima da masu dukan ƙirji suma su shiga, ana fara gudanar da babban taron ne da misalin ƙarfe biyu na ranar Arbaeen. Maziyarta suna tsayawa a kusa da ƙofar hubbaren Imam Husaini (A.S) suna rera ƙasidu da yin kuka a lokacin da suke bugun ƙirji, sannan a ƙarshe sai su ɗaga hannayensu a matsayin alamar gaisuwa.[39]

Tushen Maƙala:Maukibi

Hidima ga maziyarta: A lokacin tattakin Arba'in Mutanen garuruwan gefan ƙoramar Farat suna kafa manyan tantuna a kan hanyar tafiya wadda suke kira "maukib" ko mudif, suna ba da masauki a cikinsu domin tarba da cin abinci da hutawa.[40] masu shirya wannan babban taro suna yiwa maziyarta hidima kyauta. masu shiryawa da gudanar da wannan jerin gwano mutanen gari ne ba tare da saka hannun gwamnati ba.[41]

In ji sakataren kwamitin haɗin gwiwar jama'a, masauki da abinci na hukumar Arba'in, a yayin tafiyar, mutanen Iraki sun kafa maukib 40,000 yayin da mutanen Iran suka kafa mokib 2,000..[42] An ba da rahoton shugaban sashen maukib cewa, a shekara ta 1401 Hijri Shamsi (2022-2023) an kafa sama da maukib 12,000 a birnin Karbala.[43]

Tattakin Mutane Da Basu Halarci Arab'in Ba

Tushen Maƙala: Tattakin Mutane Da Basu Halarci Arab'in Ba

Kowace shekara a ranakun Arba'in ana gudanar da wani taro a garuruwa daban-daban na Iran da ake kira 'Jamandaghan Arba'in' (Tattakin Mutane Da Basu Halarci Arab'in Ba).[44] "A cikin wannan taron, mutanen da ba su samu damar halartar tafiyar Arba'in a ƙasar Iraƙi a wannan shekarar, suna tafiya a kan hanya da aka ƙayyade.[45] wannan taro ana shirya a ƙasashen Iraƙi,[46] Fakistan,[47] da Afganinstan.[48]

Nazarin Litattafai

An buga wasu littattafai da suka shafi tattakin Arba'in da abubuwan da suka shafi wannan al'ada, wasu daga cikin su sun haɗa da:

  • Majmu'e Sare Agaz, mujalladi shida,Wannan littafi yana tattaro maganganun Sayyid Ali Khamna'i shugaba na Jamhuriyar Musulunci na Iran, wanda ya bayyana muhimmancin gina tsari na hadin gwiwar al'ummar Musulmi. Yana dauke da abubuwa guda biyar da suka shafi tafiyar Arba'in.wannan abubuwa biyar sune: haɗin kai, raya waƙi'ar karbala, fito na fito tsakanin gaskiya da ƙarya, tattakin arba'in ta kwaikwayo daga gare shi, ko wane guda daga cikin wannan batutuwa an ware masa mujalladi da guda bisa himmar Muhammad Sadiƙi Arman, sannan a shekarar 2020 miladi maɗabba'ar Shahid Kazimi suka buga wannan littafi.[49]
  • Be Shara Shodam, Ishƙi Baride Bud... Wani rahoto ne game da jerin gwanon tattakin arba'in wanda GolmAli Haddan ya rubuta, Tehran, ofishin yaɗa al'adun muslunci, bugu na uku a shekarar 2019 miladi.[50]
  • Arba'in Bastare Zuhur, ma'aikatar bunyade farhage wa andishe Islami suka samar da shi cikin harshen Farsi a shekarar 2021 miladi, wannan littafi yana da muƙaddima da kuma sashe guda tara tare da bayanin mihwarin yunƙurin kafa gwamnati cikin miƙewar Imam Husaini da kuma dangantakarsa da juyin juya halin muslunci a Iran.[51]
  • Arba'in Wa Fazilat Fiyaderawi dar ziyarat Imam Husaini (A.S) wa Asare Shegefti An, wanda Jabir Rezwani ya rubuta, maɗabbara Bani Zahra, ƙum. bugun farko a shekarar 2020 miladi.

Bayanin kula

  1. ↑ Shaik Tusi Tahzeeb Ahkam.bugun shekara 1407, juzu'i na 6, shafi na 52
  2. ↑ Sheikh Mufid, Al-mazar-Manasik Al-mazar, 1413 AH, shafi na 53; Sheikh Tusi, Tahzeeb al-Ahkam, 1407 AH, juzu'i na 6, shafi na 52.
  3. ↑ Domin misali, ga: Jafariyan, 'Dalili Buzurgidahste Arba'in Husaini Cis?', shafi 40
  4. ↑ Allama Majlisi, Bihar Al-Anwar, ۱۴۰۳ AH, J 98, shafi na 334."
  5. ↑ Sheikh Tusi, Tahzeeb al-Ahkam, 1407 AH, juzu'i na 6, shafi na 113.
  6. ↑ Sheikh Tusi, Tahzeeb al-Ahkam, 1407 AH, juzu'i na 6, shafi na 113 da 114.
  7. ↑ Sheikh Tusi, Misbah al-Mutahajjid, 1411 AH, juzu'i na 2, shafi na 788-790.
  8. ↑ Mufatih al-jinan, Ziarat na Arbaeen, Babin Hajji, shafi na 642.
  9. ↑ ƙazi Tabatabai, Tahƙiƙ darbaraye Awwal kan Arbaeen Sayyed al-Shahda, 1368, shafi na 2.
  10. ↑ «زندگی‌نامه میرزا حسین نوری»، Shafin Balag.
  11. ↑ Shabar, Adab al-Taf wa Shu'ara Al-Hussein (A.S), 1401H, juzu'i na 1, shafi na 41.
  12. ↑ «برپایی بزرگ‌ترین نماز جماعت بین کربلای معلی و نجف اشرف به‌طول ۳۰ کیلومتر»، خبرگزاری تسنیم؛ «اقامه نماز جماعت 30 کیلومتری در جاده نجف به کربلا+ویدئو»، Tashar Al-Alam.
  13. ↑ Mazaheri, Farhang Sauge Shi'a, 1395, shafi na 102.
  14. ↑ "Mumin, Sanawat al-Jamr, ۲۰۰۴ (Miladiyya), shafi na ۱۶۵."
  15. ↑ "Wiley, Nahadat Islami Shi'ayane Iraƙ, 1373 (Kalanda na Iran), shafi na 81
  16. ↑ Asadi, Mujaz Tarikh al-Iraq al-Siyasi al-Hadith, 2001 (Miladiyya), shafi na 103
  17. ↑ "Wiley, Nahadat Islami Shi'ayane Iraƙ, 1373 (Kalanda na Iran), shafi na 82."
  18. ↑ «پیاده‌روی اربعین؛ بزرگ‌ترین گردهمایی عالم»،‌ Shafin Ayatullahi Khamna'i.
  19. ↑ Mazaheri, Farhng Sauge Shi'i, 1395, shafi na 102.
  20. ↑ «اربعین، شکوه بیعتی مجدد با امام حسین»، Hukumar labarai Tasneem.
  21. ↑ گزارش روزنامه فرانسوی لوموند از مراسم اربعین در کربلا، سایت روزنامه لوموند.
  22. ↑ أعداد الزائرین المشاة نهاراً فی أربعینیة الإمام الحسین(علیه‌السلام)، Shafin Hubbaren Sayyidina Abbas (A.S).
  23. ↑ الکشف عن الاحصائیة الاولیة لاعداد الزائرین بحسب ما رصدته کامیرات العتبة الحسینیة، Shafin Hubbaren Sayyidina Abbas (A.S).
  24. ↑ «۱۵ میلیون شیعه در حال رسیدن به کربلا»، Shafin Khabari Farda.
  25. ↑ نگاه کنید به: «تعداد زائران اربعین اعلام شد»، خبرگزای ایسنا؛ «رکوردهایی که در اربعین ۱۴۰۱ش به دست آمد»، Hukumar Labarai Fars.
  26. ↑ «۷ رکورد جهانی پیاده‌روی اربعین»،Hukumar Labarai Fars
  27. ↑ «تعداد زائر غیرعراقی در اربعین»، Shafin yanar gizo na Khabari Farda.
  28. ↑ دخول أکثر من ملیون وثمانمائة الف زائر عربی واجنبی حتی یوم ۱۹ من صفر الخیر،Markaz tahqiqat Karbala.
  29. ↑ نگاه کنید به: «رکوردهایی که در اربعین ۱۴۰۱ش به دست آمد»، Hukumar labarai Fars.
  30. ↑ (نگاه کنید به: «هام جدّاً.. العتبةُ العبّاسیةُ المقدّسة تُعلن عن أعداد زائری أربعینیّة الإمام الحسین (علیه السلام) لهذا العام 1441هـ»Tashar Kafeel Al-alamiyya.)
  31. ↑ (Alal misali ku duba:«العتبةُ العبّاسية المقدّسة: عددُ زائري أربعينيّة الإمام الحسين (عليه السلام) بلغ أكثر من 21 مليون زائر»، شبکة Tahsar Kafeel Al-Alamiya «العتبةُ العبّاسية المقدّسة: أكثر من 14 مليون زائرٍ أحيوا زيارة الأربعين لعام 1442هـ.»،Tashar Kafeel Al-alamiya)
  32. ↑ «ورود نخستین گروه زائران پاکستانی پیاده‌‎روی اربعین به عراق»، Shafin sanar da bayanai na A'atab wa ziyarat
  33. ↑ «چرا پیاده‌روی اربعین ثواب دارد»،Hukumar labarai ISNA.
  34. ↑ «همه چیز درباره مسیرهای سفر اربعین»،‌ Kamfanin dillancin labarai na Mehr
  35. ↑ ««مشایه الاهواز» بزرگ‌ترین کاروان زائران طریق الحسین(ع)»، Hukumar labarai Fars
  36. ↑ ««مشایه الاهواز» بزرگ‌ترین کاروان زائران طریق الحسین(ع)»، Hukumar labarai Fars
  37. ↑ «پیاده‌روی زائران اربعین در استان بوشهر»،hukumar labarai Mehr
  38. ↑ Abazari, “Arba’in Husaini dar sairi wa sukhane Buzrgan”, shafi na 146.
  39. ↑ Abazari, “Arba’in Husaini dar sairi wa sukhane Buzrgan”, shafi na 147.
  40. ↑ Abazari, “Arba’in Husaini dar sairi wa sukhane Buzrgan”, shafi na 163.
  41. ↑ Mazaheri, Farhang Sauge Shi'i, 1395, shafi na 100.
  42. ↑ «جزئیاتی از موکب‌های اربعین اعلام شد»، Hukumar labarai ISNA.
  43. ↑ «تعداد زائران اربعین امسال اعلام شد | جدول تعداد زائران از سال ۱۳۹۵ تا کنون»، Hamshahro Online
  44. ↑ «حضور ۱۴میلیون نفری در آئین جاماندگان اربعین»، Hukumar labarai IRNA.
  45. ↑ نگاه کنید به: «صفر تا صد پیاده‌روی جاماندگان اربعین + عکس و فیلم»، ISNA.
  46. ↑ «پیاده‌روی جاماندگان اربعین در جنوب عراق»، Hukumar Labarai Mehr.
  47. ↑ «تجلی اربعین حسینی در پاکستان؛ ندای وحدت و برائت از تفرقه طنین‌انداز شد»، Hukumar labarai ta IRNA.
  48. ↑ «پیاده‌روی جا ماندگان اربعین در افغانستان به روایت تصویر»، Hukumar labarai ta IRNA.
  49. ↑ «سرآغاز؛ الگوى مفهومى پیاده‌روی اربعین از نگاه رهبر معظم انقلاب»، Kamfanin labarai na Mizan.
  50. ↑ گزارشی از راهپیمایی اربعین، به صحرا شدم، عشق باریده بود. Shafin yanar gzo na Fatuq Kitab Farda.
  51. ↑ https://noorlib.ir/book/view/107654/اربعین-بستر-ظهور?pageNumber=67&viewType=html

Tsokaci

  1. ↑ "Adadin mhalarta da aka bayar daga gidan yanar gizon Ataba Abbasiyya kuma bisa tsarin ƙididdigar fasahar zamani a manyan ƙofofin shiga Karbala.[30] Waɗannan ƙididdiga na shekara-shekara basu da takamaiman lokaci; misali, yawan mahalarta a shekarar 2023 an ƙirga daga farkon Safar, a shekarar 2022 daga ran 7 ga Safar, kuma a shekarar 2021 daga ran 9 ga Safar har zuwa rana da rana ta Arba'in[31] An yi ƙoƙari a yi amfani da ƙididdiga daga cibiyoyin gwamnati kamar Ma'aikatar Harkokin Cikin Gida, Hedkwatar Tsakiya ta Arba'in da kuma HedkwatarHaramai masu tsarki ko gidan jaridu masu izini da masu izini yayin ƙididdigar baƙi na Iran.

Nassoshi

Mazzahari, Mohsen Hassam, "Al'adun Juyayi na Shi'a," Tehran, Nashr Khaymeh, 1395 AH (2016 AD).

  • Willy, Joyce Ann, "The Islamic Movement of Shiites in Iraq," translated by Mahvash Gholami, Information Institute, 1373 AH (1994 AD).
  • 15 Million Shiites on their way to Karbala,Farda website, publication date: Dey 2, 1392 AH (December 23, 2013), visited on: Mehr 24, 1397 AH (October 16, 2018).
Daga "https://ha.wikishia.net/w/index.php?title=Tattakin_Arba%27in&oldid=15954"