Sayyid Ibrahim Ra'isi

Sayyid Ibrahim Ra'isi

Shugaban ƙasa na takwas na Jamhuriyar Musulunci ta Iran
Cikakken Suna	Sayyid Ibrahim Ra'isi Al-sadati
Laƙabi	Shahidin Jamhuriya, Shahidin Hidima
Nasaba	Zaidu Bin Ali
Tarihin Haihuwa	23 Azar shekarar 1339Sh/1960 M.
Wurin Haihuwa	Mashhad Iran
Tarihin Shahada	20 ga Mayu, 2024.
Wurin Shahada	Tabriz
Sanannun Dangi	Sayyid Ahmad Alamul Huda (Mahaifin matarsa)
Addini	Muslunci
Mazhaba	Shi'a Imamiyya
Aiki	Malamin Addini
Muƙamai	Shugaban ƙasar Iran da shugabancin ma'aikatar shari'a ta Iran, Hukumar Kula Da Haramin Imam Rida. Wakili a Majalisar Ƙwararru Ta Jagoranci
Bayan	Hassan Ruhani
Kafin	Mas'ud Fezeshkiyan
Malamai	Sayyid Mahmud Hashimi Shahrudi. Agha Mujtaba Tehrani. Ayatullahi Khamna'i
Rubuce-rubuce	Taƙrirat Darse Ƙawa'ide Fiƙhi. Irse Bi Waris. Ta'aruz Asli Wa Zahir Dar Fiƙhi Wa Ƙanun
Sa Hannu

Sayyid Ibrahim Ra'isi al-Sadati (1339-1403sh / 1960-2024m) wanda aka fi sani da Sayyid Ibrahim Ra'isi da kuma Shahid Ra'isi, malamin addini ne na mazhabar Shi'a kuma shugaban ƙasa na takwas na Jamhuriyar Musulunci ta Iran.

Raisi ya kasance ɗalibin da ya yi karatu a Hauza (Makarantar Addini) da kuma jami'a, sannan memba ne a ƙungiyar Jami'atu Ruhaniyyat al-Mubariz (Ƙungiyar Malamai Ƴan Gwagwarmaya). Ya riƙe manyan muƙamai daban-daban a cikin tsarin mulkin Jamhuriyar Musulunci ta Iran; waɗanda suka haɗa da: Shugaban Sashen Shari'a (Alƙalin Alƙalai), Babban Mai Shigar da Kara na Ƙasa (Attorney General), Shugaban Hukumar Binciken Manyan Laifuka ta Ƙasa, Mai Shigar da Kara a Kotun Musamman ta Malamai, Memba a Majalisar Fayyace Maslahar Tsarin Mulki., Wakili a Majalisar Ƙwararru ta Jagoranci, Har ila yau, ya yi shekaru uku yana shugabancin Hukumar Kula Da Haramin Imam Rida.

Raisi ya rasu ne a ranar 30 ga watan Ordibeheshti, 1403sh (19 ga Mayu, 2024m) sakamakon haɗarin jirgin sama, tare da wasu mutane bakwai; cikinsu har da Husaini Amir Abdullahiyan (Ministan Harkokin Waje na Iran), Sayyid Muhammad Ali Ale Hashim (Wakiliyar Jagora a lardin Azarbaigan ta Gabas), da Malek Rahmati (Gwamnan lardin Azarbaigan ta Gabas).

Saboda rasuwarsa a lokacin da yake kan hanyar yi wa al'umma hidima da ciyar da tsarin Musulunci gaba, ana kiransa da sunan "Shahidin Hidima".

Tarihin Rayuwa da Karatu

An haifi Sayyid Ibrahim Ra'isi a ranar 23 ga watan Azar shekara ta 1339 h. shamsi, wanda ya yi dai-dai da 14 ga watan Disamba 1960 miladiyya, a garin Mashad a yankin Naugan, salsalar nasabarsa tana danganewa zuwa ga Zaidu ɗan Ali, ya fara karatun hauza a Mashad a makarantar hauzar Nawab, sannan ya ci-gaba da karatu a shekarar 1975 a hauzar Ƙum, ya yi almajiranta a hannun manya-manyan malamai misalin Yadullahi Duzduzani, Sayyid Ali Muhaƙƙiƙ Damad, Ali Akbar Mishkini, Ahmed Baheshti, Murtada Muɗahhari da Husaini Nuri Hamadani.‌‌ Haka nan kuma ya shiga darasin karijul fiƙihu na Sayyid Muhammad Hassan Mar'ashi, Sayyid Mahmud Hashimi Shaharudi, Agha Mujtaba Tehrani, Ayatullahi Khamna'i da sauran manyan malamai..

Ya kasance ɗalibi a makaranta Madraseh Ali Shahid Muɗahhari inda ya karanci fiƙihu da huƙuƙ. a shekarar 1362 h. shamsi, ya auri Jamila ɗiyar babban limamin garin Mashad Sayyid Ahmad Alamul Huda.

Tarihin Gwagwarmaya Tun Kafin Samun Nasarar Juyin Juya Hali A Iran

Kamar yanda aka naƙalto, haƙiƙa Sayyid Ibrahim Ra'isi shekaru gabanin kafa jamhuriyar muslunci a Iran, ya kasance yana ayyukan gwagwarmaya lamarin da yakai ga jami'an leƙen asirin fadar sarki shah suka kama shi.‌‌ Haka nan kuma ya kasance tare da rakiyar ba'arin ɗalibai yana zuwa ziyartar malaman addini da gwamnatin shah ta kora ta kai su wurare masu nisa daga inda suke, daga jumnlarsu akwai zuwa ganin Ayatullahi Khamna'i wanda aka kora zuwa garin Iranshahar Ra'isi ya je wannan gari don ziyartarsa, bayan yaɗa wani rubutu na cin fuska kan Imam Khomaini a cikin jaridar Iɗɗila'at a 17 ga watan day shekara ta 1356, Ra'isi ya shiga taron nuna rashin amincewa kan wannan cin fuska, wanda aka fara shi daga makarantar Ayatullahi Burujardi (Madraseh Khan). Haka kuma a watan Janairu shekara 1978 miladiyya, ya halarci taron malamai cikin nuna rashin amincewa da rufe filin sauka da tashin jirage don hana saukar jirgin da ya ɗauko Imam Khomaini don dawo da shi Iran.

Shugabancin Haramin Imam Rida (A.S)

Ibrahim Raisi daga cikin mayaka Iran a yakin Iran da Iraƙi.

A shekarar 1394 bayan mutuwar Abbas Wa'iz Ɗabasi, ƙarƙashin umarnin jagoran juyin juya halin muslunci na Iran Sayyid Ali Khamna'i an naɗa Ra'isi muƙamin mai kula da haramin Imam Rida (A.S) har zuwa watan Farwardin shekara ta 1398/Maris 2019, ya ci-gaba da kasancewa a wannan muƙami lokacin shugabancinsa ya samar tarin hidimomi ga wannan wuri mai tsarki, daga jumlarsu akwai samar da unguwannin maziyarta da suke kusa da haramin, tare da hidima samar musu da makwanci da abin ci da sauran hidimomi, haka nan kuma samar da tsarin ɗaukar nauyin masu son zuwa ziyara garin Mashad, tare da fifita raunana cikinsu, samar da miƙatin Rida (Wurin ne da aka tane da shi don hutawar maziyarta) kan hanyoyin da suke tuƙewa ga garin Mashad, haka nan tsarin mahidimta matasa shima yana cikin sauran ci-gaba da ya kawo a wannan harami.Ayatullahi Khamna'i cikin hukuncin umarnin naɗa Ra'isi kan muƙamin kula da haramin Iman Rida (A.S) da kulawa da al'amuran maziyarta, hidima ga maƙota musamman ma raunanan haramin Imam Rida (A.S) yaɗa ilimin kur'ani da mazhabar Ahlul-baiti (A.S) a duk duniya, samar da tsarin da zai taimakawa talakawan da suke cikin sassan ƙasar Iran amfana waƙafofin wannan harami mai tsarki, Kuma ya tsara harkokin tattalin arziki da sabis na wannan harami mai tsarki.

Ayyukan Siyasa

Ibrahim Ra'isi bayan nasarar juyin juya halin muslunci a ƙasar Iran, tun yana ɗan shekara 20 da haihuwa ya fara kutsawa cikin ayyukan hidima ga al'umma, ya fara aiki a ma'aikatar shari'a da muƙamin majistare na yankin karaj, Na dan wani lokaci, ya kula da ofishin masu gabatar da ƙara na Hamadan.. Sauran muƙaman da ya jagoranta za su iya kasancewa kamar haka:

• Mai gabatar da kara na Tehran daga 1368 zuwa 1373.
• Shugaban Hukumar Bincike ta ƙasa ta 1373 zuwa 1383
• Shugaban Hukumar Bincike ta ƙasa ta 1373 zuwa 1383.
• Wakilin al'ummar Khorasan ta Kudu a majalisar kwararrun jagoranci tun 2005.
• Babban mai gabatar da ƙara na ƙasar daga 1393 zuwa 1394
• Memba a majalisar fayyace maslahar hukuma daga shekara 1396.
• Shugaban Hukumar Shari'a ta Iran daga 1397 zuwa 1400.
• Shugaban ƙasar Iran tun 1400.
• Kasancewa memba a majalisar malamai ƴan gwagwarmaya a shekara 1376 bisa shawarar Ayatullahi Mahadawi Keni..

Goyan Bayan Falasɗinu Da Gwagwarmaya

Sayyid Ibrahim Raisi yana rike da kur'ani tare da karanta ayoyinsa a wajen zama na 78 na Majalisar ɗinkin Duniya.

Sayyid Ibrahim Ra'isi yana cikin fitattun fuskokin ƴan gwagwarmaya, a farkon fara shugabancin ƙasar Iran ya yi tafiya zuwa ƙasar Siriya tare da abokanen rakiya, a babban birnin Damashƙi ya gana da jagororin gwagwarmayar kwato ƴancin Falasɗinu da ma Hizbullahi lubnan. Shi ne farkon shugaban ƙasar Iran da tun bayan yaƙin cikin gida na Siriya ya yi tafiya zuwa wannan ƙasa. A rahotan kamfanin dillancin labarai na irna, Ra'isi tsawon kwanaki 165 da fara ofireshin ɗin ɗufanul al-aƙsa da kuma harin Isra'ila ta kai a Gaza, ya dauki matakai sama da 100 don tallafawa Gaza da kungiyoyin gwagwarmayar Falasɗinu.. Har ila yau, a zauren Majalisar Dinkin Duniya karo na 78, ya kebe wani bangare na jawabin nasa kan batun mamayar Palastinu da mamayar da gwamnatin yahudawan sahyoniya ta yi wa wasu sassan Lebanon da Siriya.

Shin ba lokaci ba ne da za a kawo ƙarshen shekaru 75 na mamayar kasar Falasɗinu da zaluncin wannan al'ummar da ake zalunta da kisan mata da ƙananan yara da haƙƙoƙin al'ummar Falasɗinu?

Kowarwa Da Kuma Rubuce-rubucensa

Ibrahim Ra'isi a zamanin da yake shugabancin haramin Imam Rida (A.S) a Mashad ya kasance yana bada darasin bahasil karijul fiƙihu, haka kuma ya koyar da litattafan fiƙihu, ƙawa'idul fiƙihil ƙada'i da fiƙihul iƙtisad a hauzozin ilimi na tehran da jami'o'i daban-daban misalin jami'ar Imam Sadiƙ (A.S) da jami'ar shahid beheshti. Sayyid Ibrahim ya walllafa taƙriri cikin darasin ƙawa'idul fiƙihi (Mujalladi uku da ya ƙunshi shari'a, tattalin arziƙi da ibada) da kuma bahasin gado wanda bashi da magaji, ta'arudul asli da zahir cikin fiƙihu da doka. Haka nan an wallafa litattafai daban-daban cikin batutuwan haƙƙoƙi, tattalin arziƙi, fiƙihu, adalcin zamantakewa da tsarin rayuwa.

Rasuwa Sakamakon Hatsarin Jirgi

Ranar 30 ga watan Urdibeheshti shekara 1403, Sayyid Ibrahim Ra'isi ya yi tafiya cikin jirgi mai saukar ungulu zuwa yankin azerbaijan sharƙi domin kai shi bikin buɗe ɗaya daga cikin ayyukan raya ƙasa, cikin kan hanyarsa ta dawowa a daidai yankin da yake tsakanin garuruwan warzaƙan da julfa ya fuskanci ibtila'in hatsarin jirgi, cikin wannan jirgi mai saukar ungulu akwai Husaini Abdullahiyan ministan harkokin wajen ƙasar Iran, da kuma Sayyid Ali Ale Hashim wakilin waliyul faƙihi a garin Azerbaijan sharƙi.. bayan yaɗuwar labarin wannan hatsari, gungu-gungun jama'ar ƙasar Iran sun taru a wuraren ibada misalin haramin Imam Rida (A.S), haramin Sayyada Ma'asuma (A.S), haramin Shah Cerag domin yi musu addu'a da Allah ya kuɓutar da su. washegari 31 ga watan Urdibehesti aka gano ɓaraguzan wannan jirgi da suke ciki, bayan nan kafofin yaɗa labarin ƙasar Iran suka sanar da cewa shugaban Iran tare da waɗanda suke tare sun rasa rayukansu sakamakon wannan hatsari.

cikin al'adar jamhuriyar muslunci ta Iran, mutanen da suke rasa rayukansu a lokacin sauke wazifar da take wuyansu ana ƙirga su cikin shahidai, da wannan dalili ne aka kira Sayyid Ra'isi da waɗanda suke kasance tare da sunan shahidai.

Tasiri Da Martani

Mutuwar Ra'isi ta yi tasiri da martani daban-daban. Haramin Imam Rida (A.S) ya soke shirye-shiryen da ya shirya na Maulidin Imam Rida (A.S). Har ila yau, an maye gurbin koren tutar haramin da bakar tuta, A cikin sakon ta'aziyyar nasa, Ayatullah Khamna'i ya kira Rai'si malami mujahidi da rasuwarsa a matsayin shahada tare da ayyana zaman makoki na kwanaki biyar a kasar Iran. Masana harkokin siyasa da na addini da suka hada da Ayatullah Sistani daga mahukuntan birnin Najaf da kuma shugabannin ƙasashe daban-daban sun bayyana alhininsu kan rasuwar shugaban na Iran. Haka kuma a Lebanon da Siriya na tsawon kwanaki uku da ƙasar Fakistan Kuma kasar Iraƙ ta ayyana ranar Juma'a ranar makoki.