Daƙiƙa:Yaumul Hasra
Yaumul Hasra ɗaya ce daga cikin sunayen ranar tashin alƙiyama,[1] kuma tana nufin ranar baƙin ciki, nadama da yanke ƙauna.[2] Wannan sunan ya zo a cikin aya ta 39 Suratu Maryam.
Malaman tafsiri sun yi imanin cewa dalilin sanyawa ranar tashin Alƙiyama suna "Yaumul Hasra" shi ne, domin a wannan rana, bayan bayyana sakamakon ayyukansu, mutane za su gane kura-kurai da sakacinsu a rayuwar duniya.[3] Rasa damar yin ayyukan alheri da samun ladar Allah suma suna daga cikin abubuwan da ke jawo baƙin ciki da nadama.[4] A cewar Fadlu Bin Hassan Ɗabrisi a cikin Majma'ul Bayan, baƙin ciki a ranar alƙiyama ba ya taɓa masu zunubi kaɗai, a'a, masu ayyukan alheri ma suna jin baƙin ciki domin rashin yin ayyukan alheri da yawa da za su iya yi.[5]
A cikin Kur'ani, an ambaci abubuwa da yawa a matsayin dalilan baƙin ciki a ranar alƙiyama, kamar: girman kai, izgili,[6] kashe dukiya a hanyar saɓawa addini,[7] ƙaryata tashin kiyama ko sakaci game da ita,[8] da barin imani da ayyukan ƙwarai.[9] Haka kuma, a cikin wasu hadisai, an ambaci abubuwa kamar: halartar majalisun da ba a ambaton Allah ko Ahlul-Baiti (A.S) a cikinsu ba,[10] samun dukiya ba tare da bin umarnin Allah ba,[11] yabon adalci ba tare da aiki da shi ba,[12] da fifita muradun duniya na wasu a kan farin ciki na lahira,[13] samun dukiya ba tare da bin umarnin Allah ba, a matsayin abubuwan da ke jawo nadama da baƙin ciki a ranar kiyama.
Bayanin kula
- ↑ Makarim Shirazi, Tafsir Namuna, juzu'i na 13, shafi na 86.
- ↑ Ragib Isfahani, Mufradat,ƙarƙashin kalmar "Hasra".
- ↑ Shaik Ɗusi, At-Tibyan, juzu'i na 7, shafi na 127; Allama Ɗabaɗaba'i, Almizan, juzu'i na 14, shafi na 51.
- ↑ Kashani, Manhajus Sadiƙin, juzu'i na 5, shafi na 408.
- ↑ Ɗabrisi, Majma'ul Bayan, juzu'i na 6, shafi na 795.
- ↑ Suratuz Zumar, Ayoyi na 56-59.
- ↑ Suratul Anfal, aya ta 36.
- ↑ Suratul An'am, ayoyi na 29 zuwa 31; Suratul Anbiya, aya ta 97.
- ↑ Suratul An'am, aya ta 27; Suratul Ahzab, aya ta 66.
- ↑ Majlisi, Bihar al-Anwar, juzu'i na 75, shafi na 468.
- ↑ Huwaizi, Nurus Saƙalain, juzu'i na 1, shafi na 152.
- ↑ Faizul Kashani, At-Tafsir As-Safi, juzu'i na 1, shafi na 430.
- ↑ Majlisi, Bihar al-Anwar, juzu'i na 27, shafi na 186.
Nassoshi
- Huwaizi, Abdul Ali Bin Juma, Tafsir Nuris Saƙalain, Qom, Matba'at Al-Ilmiyya, 1963M.
- Ragib Isfahani, Husain Bin Muhammad, Mufradatul Alfazil Qur'an, Beirut, Dar Ash-Shamiyya, 1992M.
- Shaik Ɗusi, Muhammad Bin Hassan, At-Tibyan fi Tafsiril Qur'an, bincike: Ahmad Ƙasir Amili, Beirut, Dar Ihya'i Turasil Arabi, babu shekara.
- Ɗabaɗaba'i, Sayyid Muhammad Husaini, Almizan fi Tafsiril Qur'an, Beirut, Cibiyar Al-A'lami lil-Matbu'at, 1970M.
- Ɗabrisi, Fadlu Bin Hassan, Majma'ul Bayan fi Tafsiril Qur'an, Beirut, Dar al-Ma'arifa, 1986M.
- Faizul Kashani, Muhsin, At-Tafsir As-Safi, Qom, Cibiyar Al-Hadi, 1995M.
- Kashani, Mulla Fathullah, Manhajus Sadiƙin fi Ilzam Al-Mukhalifin, Tehran, Kitabfurushi Islamiyye, 1957M.
- Majlisi, Muhammad Baƙir, Bihar al-Anwar al-Jami'a li Durar Akhbar al-A'immah al-Aɗhar, Beirut, Dar Ihya'i Turas al-Arabi, bugu na biyu, 1983M.
- Makarim Shirazi, Nasir, Tafsir Namuna, Tehran, Dar al-Kutub al-Islamiyya, 1995M.