Daƙiƙa:Ummu Farwa Mahaifiyar Imam Sadiƙ (A.S)
Kada a rikita ta da Ummu Farwa Ƴar Imam Sadiƙ (A.S).
| Cikakken Suna | Faɗima ko Ƙariba Ƴar Ƙasim Bin Muhammad Bin Abubakar |
|---|---|
| Alkunya | Ummu Farwa• Ummu Ƙasim |
| Fitattun dangi | Imam Baƙir (A.S) (Mata)• Imam Sadiƙ (A.S) (Ɗa) |
| Waɗanda suka ruwaito daga gare shi | An rawaito daga Imam Sadiƙ (A.S) |
Ummu Farwa, matar Imam Baƙir (A.S) kuma mahaifiyar Imam Sadiƙ (A.S) ce. Ita ƴar Ƙasim Bin Muhammad bin Abubakar ne, daga cikin fitattun malaman fiƙihu a Hijaz, kuma mahaifiyarta Asma'u Ƴar Abdur-Rahman Bin Abubakar ce.[1] Saboda haka, nasabarta daga ɓangarori biyu yana komawa ga Abubakar. Wannan alaƙa ce ta sa aka jingina wa Imam Sadiƙ (A.S) maganar: Waladani Abubakar marrataini, wato: Abubakar ya haife ni sau biyu.[2]
Ummu Farwa ta kasance daga cikin masu riwayar hadisi; ta riwaito daga Imam Sajjad (A.S)[3] da kuma Imam Sadiƙ (A.S).[4] Abdullahi Mamaƙani, masanin rijal na Shi'a, ya ɗauke ta a matsayin amintacciya (Siƙa).[5] Haka nan, Imam Sadiƙ (A.S) ya riwaito wani hadisi daga gare ta, wanda a cikinsa aka ce Imam Baƙir (A.S) yana yin addu'ar neman gafarar zunuban Shi'arsa sau dubu a kowane dare da yini; domin yana ganin cewa Ahlul-Baiti (A.S) suna yin haƙuri ne tare da sanin lada, amma Shi'arsu suna yin haƙuri ba tare da wannan cikakkiyar masaniya ba.[6] Mas'udi marubucin tarihi na ƙarni na huɗu hijira, ya bayyana ta a matsayin ɗaya daga cikin mata mafi tsoron Allah a zamaninta.[7]
An binne Ummu Farwa a makabartar Baƙi'a',[8] kuma tana da matsayi mai girma a wajen Shi'a; har ma ana kiran Imam Sadiƙ (A.S) da Ibn al-Mukarrama wato: ɗan baiwar Allah mai karamci.[9]
An ce sunan mahaifiyar Imam Sadiƙ (A.S) Fatima ko Ƙariba ne, yayin da kunyarta ita ce Umm Farwa ko Ummu Ƙasim.[10] Ummu Farwa tana da baiwa mai suna Sa'ida, wadda ta shahara da falala da ibada.[11]
Bayanin kula
- ↑ Kulaini, Al-Kafi, juzu’i na 1, shafi na 393.
- ↑ Irbili, Kashf al-Ghumma, juzu’i na 2, shafi na 160.
- ↑ Mas'udi, Ithbat al-Wasiyya, Maktabat Radawiyya, shafi na 152.
- ↑ Barqi, Rijal, shafi na 62.
- ↑ Mamqani, Tanqih al-Maqal, juzu’i na 3, shafi na 73.
- ↑ Kulaini, Al-Kafi, juzu’i na 1, shafi na 72; Mas'udi, Ithbat al-Wasiyya, Maktabat Radawiyya, shafi na 153.
- ↑ Mas'udi, Ithbat al-Wasiyya, Maktabat Radawiyya, shafi na 152.
- ↑ Kulaini, Al-Kafi, juzu’i na 1, shafi na 472.
- ↑ Rijal al-Kashshi, shafi na 212; Qummi, Anwar al-Bahiyya, shafi na 229.
- ↑ Kulaini, Al-Kafi, juzu’i na 1, shafi na 472.
- ↑ Qummi, Anwar al-Bahiyya, shafi na 230,
Nassoshi
- Barqi, Ahmad bin Muhammad, Rijal al-Barqi, rubutun hannu, lamba 18/6955, Dakin Karatu na Tsakiya na Jami'ar Tehran, sashe na 49; da Wallafe-wallafen Jami'ar Tehran, lamba 857, tare da Rijal Ibn Dawud, 1342Sh.
- Irbili, Ali bin Isa, Kashf al-Gumma, Tabriz, Ofishin Bani Hashimi, 1381H.
- Kashshi, Muhammad bin Umar, Rijal al-Kashshi (Ikhtiyar Ma'rifat al-Rijal), Mashhad, Jami'ar Mashhad, 1348Sh.
- Kulaini, Muhammad bin Ya'qub, Usulul Kafi, mai gyarawa: Ali Akbar al-Ghaffari; Shaik Najm al-Din Amili ya duba kuma ya kwatanta, Tehran, Dakin Karatu na Musulunci, 1388H.
- Mamqani, Abdullah bin Muhammad, Tanqih al-Maqal fi 'Ilm al-Rijal, Najaf, Madaɗɗa'ar Murtadawiyya, 1352H.
- Mas'udi, Ali bin Husain, Ithbat al-Wasiyya lil-Imam Ali bin Abi Talib, Najaf, Maɗɗaba'ar Murtadawiyyaa, babu tarihi.
- Ƙummi, Shaik Abbas, Anwar al-Bahiyya fi Tawarikh al-Hujaj al-Ilahiyya, mai fassara: Muhammad Muhammadi Ishtihardi, Qum, Mawallafar Nasir, bugu na uku, 1380Sh.