Abdullahi Ɗan Misma'a Al-hamdani

Abdullahi ɗan Misma'a Al-Hamdani (Larabci: عبد الله بن مِسمَع الهَمْداني) ya rayu a shekara ta 60 bayan hijira, yana daga cikin ƴan shi'ar Kufa, Abdullahi Ɗan Misma'a shi ne wanda ya kai wasiƙa ta farko tare da Abdullahi Ɗan Wal Al-tamimi, daga mutanan Kufa zuwa ga Imam Husaini (A.S).

Bisa abin da Aɗ-ɗabari ya ruwaito (Wafati: 310 bayan hijira), shahararren marubucin tarihi, a cikin littafinshi mai suna Tarikh Al-umam wa Al-muluk, ya nakalto daga Abu Muknif cewa, `yan Shi'ar Kufa bayan sun sami labarin rasuwar Mu'awiya Ɗan Abi Sufyan.(a ranar 15 ga watan Rajab shekara ta 60 bayan hijira), sun taru a gidan Sulaiman Ɗan Surad Al-Khuza'i, sai Sulaiman ya sanar da su cewa, Hussain (A.S) ya ki yin mubaya'a ga Yazid Ɗan Mu'awiya, sannan ya ce musu: ku ƴan Shi'arshi ne, kuma ƴan Shi'ar mahaifinsi ne, don haka idan kun san cewa ku magoya bayanshi ne kuma mayaƙan makiyinshi, to ku rubuta mashi wasiƙa. Don haka sai suka rubutawa Imam Husaini (A.S) wasiƙa suna kiranshi da ya zo garin kufa, Abdullahi ɗan Saba'a Al-Hamdani ya ɗauki wannan wasiƙa tare da Abdullahi ɗan Wal, suka miƙata zuwa ga Imam Husaini (A.S) a ranar 10 ga watan Ramadan. shekara ta 60 bayan hijira, a lokacin yana cikin garin Makka. Shaikh Mufid ya ruwaito wannan ruwaya a cikin littafinshi mai suna Al-Irshad kuma sunan wanda ya ɗauko wasiƙar Abdullahi ɗan Misma'a Al-hamdani, sai dai cewa Ibn Ƙutaiba ya ambaci sunanshi a cikin Al-Akhbaru Attawil da sunan Ubaidullah ɗan Subai'a.